Anım Günü dərin ehtiramın ifadəsidir

Bakı:

26 °C

57 %

7 m/s

Əlaqə

AZ RU EN

Ana səhifə / Arxiv / Anım Günü dərin ehtiramın ifadəsidir

Anım Günü dərin ehtiramın ifadəsidir

25.09.2026 [15:01]

27 sentyabr 2020-ci il Azərbaycan xalqının tarixinə qızıl hərflərlə həkk olundu.Ermənistan silahlı qüvvələri təmas xətti boyunca Azərbaycana qarşı növbəti dəfə təxribata əl ataraq yaşayış məntəqələrini və mülki obyektləri uzaq mənzilli raketlərdən, iriçaplı silahlardan atəşə tutdu.Təxribatların qarşısını almaq məqsədilə Ali Baş Komandan İlham Əliyevin başçılığı ilə müzəffər Ordumuz əks-hücum əməliyyatına başlayaraq uzun illər düşmən tapdağı altında olan torpaqlarımızı yağı düşməndən azad etdi.44 gün davam edən müharibədə düşmən kapitulyasiya aktına imza atmağa məcbur oldu.10 noyabrda cənab İlham Əliyev xalqa müraciət edərək bildirdi ki,bu günlər hər bir azərbaycanlının həyatında ən xoşbəxt anlardı.O,özünü isə bu müjdəni xalqa çatdırdığı üçün xoşbəxt hesab etdiyini bildirdi.Qırx dörd gün davam edən hərbi əməliyyatlar nəticəsində Şanlı Azərbaycan Ordusu Ermənistanın silahlı qüvvələrini məhv edərək tariximizdə yeni bir səhifəni açdı, birinci və ikinci Qarabağ savaşında canlarını fəda edən şəhidlərimizin,erməni terrorunun qurbanı olan soydaşımızın qisası alındı. Əlbəttə ki, bu 44 günün hər günü Azərbaycanın şanlı tarixidir. Yeni əsrin müharibəsini aparan Azərbaycan Silahlı Qüvvələri qüdrəti ilə dünyaya səs saldı.
Vətən müharibəsi dövründə Azərbaycan Respublikasının Prezidenti, Ali Baş Komandan İlham Əliyev xalqa müntəzəm müraciətlər etdi. Bu müraciətlər Azərbaycan xalqını ayağa qaldırdı, onu yumruq kimi sıx birləşdirdi, müharibənin gedişatına və taleyinə güclü təsir göstərdi.Vətən müharibəsində qazanılan qələbə Azərbaycan xalqının milli kimliyinin nə qədər yüksək olduğunu bütün dünyaya nümayiş etdirdi.Biz həm ərazi bütövlüyümüzü, həm ədaləti, həm də milli ləyaqətimizi bərpa etdik.Bu qələbəylə Azərbaycan BMT-nin qəbul etdiyi lakin həyata keçirmək istəmədiyi qərarların üzərindən bir xətt çəkdi,Qarabağda status məsələsini cəhənnəmə göndərdi.
Hər qazanılan zəfərin arxasında cəsur oğulların tökülən qanları var.Biz hər zaman Vətən müharibəsi şəhidlərinin əziz xatirəsini ehtiramla yad edəcəyik. Şanlı Zəfər naminə həyatlarını qurban vermiş qəhrəmanlarımız xalqımızın yaddaşında əbədi qalacaq.Onlar hər biri vətənpərvərlik və Vətənə sədaqət nümunəsi nümayiş etdirərək öz qorxmazlığı, cəsarəti, möhkəm iradəsi və ruh yüksəkliyi sayəsində işğalçını darmadağın etdilər.Anım günü məhz,ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiramımızı bir daha bildirmək üçün təsis edilmişdir.
Allah bütün şəhidlərimizə rəhmət eləsin, qazilərimizə şəfa və uzun ömür versin!

Elçin Salahov
YAP Kəlbəcər rayon təşkilatının məsləhətçisi

Paylaş:

Baxılıb: 139 dəfə