Heydər Əliyev
yeni azerbaycan logo

Ana səhifə / Din / Vatikan ilə Qafqaz Müsəlmanları İdarəsi arasında dini-mənəvi əlaqələrin inkişaf perspektivləri müzakirə edilib

Vatikan ilə Qafqaz Müsəlmanları İdarəsi arasında dini-mənəvi əlaqələrin inkişaf perspektivləri müzakirə edilib

25.08.2016 [09:53]

Avqustun 23-də Qafqaz Müsəlmanları İdarəsinin sədri Şeyxülislam Allahşükür Paşazadə Vatikanın Protokol Xidmətinin Papanın xarici səfərlərinin təşkili məsələləri üzrə məsul şöbəsinin rəhbəri Monsenyor Maurisio Rueda Beltzin başçılıq etdiyi nümayəndə heyəti ilə görüşüb.
QMİ-nin mətbuat xidmətindən AZƏRTAC-a bildiriblər ki, Müqəddəs Taxt-Tacın nümayəndə heyətini Vatikanın Cənubi Qafqaz üzrə nümayəndəsi Apostol Nunsisi Arxiyepiskop Marek Solçinski müşayiət edib.
Görüşdə Azərbaycan ilə Müqəddəs Taxt-Tac arasında əlaqələrin yüksək səviyyəsindən məmnunluq ifadə olunub. Qafqazın tarixi dini mərkəzi olaraq Qafqaz Müsəlmanları İdarəsi ilə dini-mənəvi əlaqələrin inkişaf perspektivləri müzakirə edilib. Bu əlaqələrin dərinləşməsində din xadimlərinin qarşılıqlı səfərlərinin əhəmiyyətli rol oynadığı xüsusi vurğulanıb.
QMİ sədri Azərbaycanın konfessiya rəhbərləri ilə bərabər Vatikana etdiyi səfəri, habelə Vatikanın yüksək səviyyəli rəsmilərinin Azərbaycanda keçirilən beynəlxalq tədbirlərdə fəal iştirakını yüksək dəyərləndirdiyini bildirib, bu səfərlərin Azərbaycanın multikultural dəyərlərinin təqdimatı baxımından böyük önəm daşıdığını diqqətə çatdırıb.
Görüşdə Vatikanın Azərbaycandakı ordinarisi Vladimir Fekete iştirak edib.

Paylaş
Baxılıb: 1819 dəfə

Xəbər lenti

Hamısına bax

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31