Heydər Əliyev
yeni azerbaycan logo

Ana səhifə / Dünya / Bayden Rusiyadan uran idxalını qadağan edən qanun imzalayıb

Bayden Rusiyadan uran idxalını qadağan edən qanun imzalayıb

14.05.2024 [11:01]

ABŞ prezidenti Co Bayden Rusiyadan ABŞ-a uranın idxalını qadağan edən qanunu imzalayıb. "Yeni Azərbaycan" xəbər verir ki,  bu barədə Ağ Evin milli təhlükəsizlik müşaviri Ceyk Sallivan məlumat verib.

Onun sözlərinə görə, həyata keçirilən tarixi tədbirlər silsiləsi mülki nüvə enerjisi sahəsində Rusiyadan asılılığı azaltmaqla və son nəticədə aradan qaldırmaqla ABŞ-ın enerji və iqtisadi təhlükəsizliyini gücləndirəcək.

Xatırladaq ki, mayın əvvəlində Rosatom Rusiyadan zənginləşdirilmiş uranın idxalını qadağan edən ABŞ Konqresinin təsdiq etdiyi qanun layihəsinin bazar üçün dağıdıcı olduğunu bildirmişdi.

ABŞ Senatı aprelin 30-da Rusiyadan uran idxalını qadağan edən qanun layihəsini təsdiqləyib. Qeyd olunur k, təşəbbüs qanunun qəbulundan 90 gün sonra qüvvəyə minəcək. Eyni zamanda, Amerika qanunvericiliyinə 2027-ci ilə qədər qadağanın ABŞ-ın milli maraqlarına cavab verdiyi təqdirdə istisnalara icazə verən müddəa daxildir.

Havar Şəfiyeva

Paylaş:
Baxılıb: 136 dəfə

Xəbər lenti

Hamısına bax

Ədəbiyyat

Mədəniyyət

Siyasət

Siyasət

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31