Ermənistanda yenidən hakimiyyət dəyişikliyi baş verə bilər

Bakı:

20 °C

59 %

5 m/s

Əlaqə

AZ RU EN

Ana səhifə / Dünya / Ermənistanda yenidən hakimiyyət dəyişikliyi baş verə bilər

Ermənistanda yenidən hakimiyyət dəyişikliyi baş verə bilər

11.01.2020 [10:33]

Son dövrlər Ermənistanın baş naziri Nikol Paşinyanın fəaliyyəti ətrafında qalmaqallı hadisələr səngimək bilmir. Ötən ilin dekabrında onun getdikcə aşağı düşən reytinqi barədə Təhlükəsizlik Xidmətinin apardığı rəy sorğusunun nəticələrinin mətbuata sızması və digər faktlar bəzi dairələrdə Ermənistanda informasiya təhlükəsizliyi sahəsində vəziyyətin olduqca ağır olması barədə qənaət yaradıb.
Erməni KİV-in yazdığına görə, indiki hökumətə müxalif olan həmin dairələr bu təhlükənin, daha doğrusu, boşluğun N.Paşinyan hakimiyyətə gəldikdən sonra yarandığını iddia edirlər. Onların iddiasına görə, hazırda Ermənistanda bu vəziyyətin hökm sürməsinə səbəb mövcud hakimiyyətin hər hansı informasiya siyasəti həyata keçirməməsidir. Qeyd olunur ki, indiki hökumət heç bir informasiya siyasəti aparmadığı üçün hazırda ortada yalnız N.Paşinyanın və onun xarici qüvvələrin təsir dairəsində olan komandasının sosial şəbəkələrdəki statusları ilə cəmiyyəti qeyri-müəyyənliyə sürükləyən davranışları var.
İşğalçı ölkədəki mövcud hakimiyyətin son günlərdə aldığı daha bir zərbə baş nazir N.Paşinyanın mətbuat katibi Vladimir Karapetyanın istefa verməsi olub. Bu barədə V.Karapetyan öz “facebook” səhifəsində bildirib. Baxmayaraq ki, baş nazir guya özünün onu vəzifəsindən azad etdiyini bildirib. Əslində, onun istefasının əsl səbəbi N.Paşinyanın Yeni il öncəsi və sonrakı biabırçılıqların günahkarı kimi göstərilməsi olub. Xatırladaq ki, Karapetyan 2018-ci ilin fevralından N.Paşinyanın mətbuat katibi vəzifəsini daşıyıb. Bundan əvvəl o, sabiq prezident Levon Ter-Petrosyanın “Ermənistan Milli Konqresi” partiyasının üzvü olub.
Onu da xatırladaq ki, 2019-cu ildə N.Paşinyan komandasının xeyli üzvünü itirib. Onlardan ən qalmaqallı şəkildə hakimiyyəti tərk edən isə faktiki olaraq özünü dövlətdə ikinci şəxs kimi aparan Təhlükəsizlik Xidmətinin rəisi Artur Vanetsyan olub. A.Vanetsyanın böyük siyasətə qoşulması istisna olunmur.
Təsadüfi deyil ki, erməni ekspert Vigen Hakopyan müxalifət meydanına keçidlərin artması prosesinin 2020-ci ildə sürətlənəcəyi barədə proqnoz verib. A.Hakopyanın sözlərinə görə, Ermənistandakı daxili siyasi mübarizə keçmiş hakimiyyətlə əlaqəsi olmayan qüvvələr arasında gedəcək. Bəzi erməni ekspertlər iddia edirlər ki, son dövrlər N.Paşinyanın ətrafındakıların silsilə istefaları işğalçı Ermənistanda yenidən hakimiyyət dəyişikliyi baş verməsi ehtimalını gündəmə gətirir. Beləliklə, bu qənaətə gəlmək olar ki, getdikcə təklənən N.Paşinyan 2020-ci ildə məhz ondan üz döndərənlər tərəfindən hakimiyyətdən uzaqlaşdırıla bilər.

Paylaş:

Baxılıb: 946 dəfə