Ermənistanda kəskin daxili siyasi qarşıdurma hökm sürür

Bakı:

23 °C

68 %

3 m/s

Əlaqə

AZ RU EN

Ana səhifə / Dünya / Ermənistanda kəskin daxili siyasi qarşıdurma hökm sürür

Ermənistanda kəskin daxili siyasi qarşıdurma hökm sürür

25.06.2020 [09:32]

Müxalif qüvvələrin əksəriyyəti əhalini mövcud hökuməti devirməyə çağırır
İşğalçı Ermənistanda daxili siyasi vəziyyət daha da gərginləşməkdədir. Parlamentdə hakim partiyanın qəbul etdiyiqərarlara görə mövcud hakimiyyətə qarşı olanların sıraları xeyli genişlənib. Ənənəvi olaraq Paşinyan hökumətini tənqid edən “Respublikaçı” və “Daşnaktsutyun” partiyalarına artıq “Çiçəklənən Ermənistan”, “Vətən” və müxalifətdə olan onlarla partiya qoşulub, hakimiyyəti “konstitusiyaya zidd” hərəkətlərdə ittiham edir və onun devrilməsinə çağırır.
Qeyd edək ki, ölkədədaxili siyasi sabitlyin pozulmasına əhalinin sosial-iqtisadi vəziyyətdən narazılığı da əlavə edilib. Ermənistan mətbuatı yazır ki, vəziyyət gərginləşəcəyi halda,iki il əvvəl olduğu kimi,xalqın Paşinyanımüdafiə etmək üçün küçələrə çıxacağına dair gözlənti yoxdur.
Üstəlik, bu hadisələrin fonunda yenidən məhkəmə hakimiyyətinin müqaviməti ilə üzləşən Paşinyan daxili situasiyaya nəzarəti o qədər itirib ki, nə bu dəfə əsas rəqibi Robert Köçəryanın girov müqabilində zaminə buraxılmasının qarşısını ala, nə də partiya sədri Qaqik Çarukyanın həbsinə nail ola bilib.
Xatırladaq ki, iyunun 16-da Ermənistan parlamenti 87 səslə Çarukyanın deputat toxunulmazlığından məhrum edilməsinə və 2017-ci il parlament seçkiləri zamanı seçicilərə rüşvət vermək ittihamı ilə onun haqqında cinayət məsuliyyətinə başlamasına razılıq verib. Ancaq 21 iyun tarixində birinci instansiya paytaxt məhkəməsinin hakimi Robert Papoyan Q.Çarukyanın həbs tələbini rədd edib. “Aysor.am”ın yazdığına görə, iyunun 23-də baş prokurorluq İrəvanın ümumi yurisdiksiya məhkəməsinin Q.Çarukyanın həbsinin rədd edilməsi barədə qərarından apelyasiya şikayəti verib. R.Köçəryanın məhkəmə işinə gəlincə, Avropa İnsan Hüquqları Məhkəməsi və Venesiya Komissiyasından məktub almış konstitusiya məhkəməsi bunu iyulun 7-də müzakirə edəcək.
Bu arada, “Hraparak” qəzeti yazır ki, R.Köçəryan bir tərəfdən reabilitasiya üzrə müalicəsinidavam etdirir, digər tərəfdən isə intensiv görüşlər keçirir. Əvvəlcə keçmiş komanda yoldaşları ilə görüşərək ölkədəki mövcud vəziyyəti müzakirə edib. Eyni zamanda, o, bir sıra müxalifət nümayəndələri və keçmiş rəsmilərlə siyasi görüşlər keçirib və telefon danışıqları aparıb. Hətta R.Köçəryanla eks-prezident Serj Sarkisyanın telefon danışığı baş tutub. Qəzet yazır ki, iki keçmiş prezident arasındakı münasibətlər olduqca mürəkkəbdir, lakin onlar fikir ayrılıqlarını həll etmək, birgə fəaliyyət planı hazırlamaq və bütün müxalifət qüvvələrini birləşdirmək lazım olduğunu başa düşürlər.
Konstitusiya məhkəməsi (KM) ilə bağlı məsələyə gəlincə, “mamul.am” saytının yazdığına görə, konstitusiya məhkəməsinin sədri Hrayr Tovmasyan jurnalistlərə söyləyib ki, konstitusiyaya əsasən, konstitusion dəyişikliklər KM nəzarəti ilə olmalıdır. Onun sözlərinə görə, KM belə bir layihəni müzakirə etməyib: “Siyasi dəyərləndirmələrə gəlincə, bir hüququşünas kimi parlamentdə baş verənlərdən utanıram”.
Son hadisələrlə bağlı bir qədər gözləmə mövqeyi tutan və “Çiçəklənən Ermənistan” partiyasının KM-ə müraciət üçün imzatoplama təşəbbüsünə qoşulmayan “İşıqlı Ermənistan” partiyasının sədri Edmon Marukyan da parlamentdə baş verənləri “konstitusiya məhkəməsinə hücum” adlandırıb.
Görünən odur ki, işğalçı ölkədə kəskin daxili siyasi qarşıdurma inkişaf edir. Buna görə də birmənalı şəkildə Köçəryan, Sarkisyan, Çarukyan və digərlərinin maraqlarının üst-üstə düşdüyünü söyləmək olar. Paşinyana qarşı cəbhə “konstitusiya quruluşunun devrilməsinin qarşısını almaq və hakimiyyətin qəsb edilməsinə qarşı mübarizə” şüarı altında birləşib. Siyasi səhnədə təklənən Paşinyana qarşı olan müxalifət əhalini mövcud hökuməti devirməyə çağırır.
Qaşqay ZİYƏDDİNOĞLU

Paylaş:

Baxılıb: 796 dəfə