Heydər Əliyev
yeni azerbaycan logo

Ana səhifə / Dünya / İsveçin böyük şəhərlərində COVID-19-a rekord yoluxma səviyyəsi qeydə alınıb

İsveçin böyük şəhərlərində COVID-19-a rekord yoluxma səviyyəsi qeydə alınıb

16.11.2023 [11:24]

İsveç Kənd Təsərrüfatı Universitetindən olan tədqiqatçıların məlumatına əsasən, bir neçə böyük şəhərdə tullantı sularının analizi COVID -19-a yüksək rekord yoluxma səviyyəsini göstərib. Xarici KİV xəbər verir ki, artım demək olar ki, bütün ölkə üzrə davam edir.

Karolina İnstitutunun klinik virusologiya şöbəsinin professoru Əli Miraziminin sözlərinə görə, COVID -19-a yoluxma səviyyəsinin indi niyə belə yüksək olduğunu söyləmək çətindir, ilin bu fəslində yoluxanların sayının artması gözlənilir. Bundan əvvəl – pandemiya vaxtı da belə idi.

“Məsələ ondadır ki, indi cəmiyyətdə peyvənd olunanların və dəfələrlə bu xəstəliyi keçirənlərin sayının çox olması fonunda yoluxmaların artımı faktiki olaraq nəzərə çarpmır”, - deyə o bildirib.

Bəzi regionlar və bələdiyyələr, eləcə də dövlət epidemioloqu Maqnus Qisslen yaşlı insanlar və digər risk qruplarından olan şəxslərlə təmasda diqqətli olmağa çağırıblar.

Ölkənin bəzi hissələrində COVID-19-un yayılmasının çoxalması səhiyyə sisteminə təzyiqin artmasına gətirib çıxarıb.

Artıq bir neçə həftədir milli kampaniya keçirilir, onun gedişində yaşlı insanlara və digər risk qruplarından olan şəxslərə COVID-19 əleyhinə vaksinin əlavə dozası tövsiyə olunur. Əli Miraziminin sözlərinə görə, məlumatlar göstərir ki, yeni vaksin cəmiyyətdə dövr edən virusların yayılmasından qorunmaq üçün bundan əvvəl istifadə edilən vaksinlərdən daha yaxşıdır.

Paylaş:
Baxılıb: 703 dəfə

Xəbər lenti

Hamısına bax

Ədəbiyyat

Analitik

Sosial

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30