Türkiyənin Kocaeli şəhərində Azərbaycan Mədəniyyət Evi açılıb

Bakı:

10 °C

87 %

6 m/s

Əlaqə

AZ RU EN

Ana səhifə / Siyasət / Türkiyənin Kocaeli şəhərində Azərbaycan Mədəniyyət Evi açılıb

Türkiyənin Kocaeli şəhərində Azərbaycan Mədəniyyət Evi açılıb

24.11.2012 [01:53]

Əli Həsənov: Son illər dünyada hökm sürən iqtisadi böhrana baxmayaraq, Avrasiyanın ən sürətlə inkişaf edən ölkələri olan qardaş Azərbaycan və Türkiyə iqtisadi artım tempini davam etdirib və onların iqtisadi modeli bütün dünyaya nümunə ola bilər
Türkiyənin Kocaeli vilayətində Azərbaycan Mədəniyyət Evinin açılış mərasimi keçirilib. Azərbaycan Prezidenti Administrasiyasının İctimai-siyasi məsələlər şöbəsinin müdiri Əli Həsənov və Diasporla İş üzrə Dövlət Komitəsinin sədri Nazim İbrahimov, Türkiyə Baş nazirinin müşaviri Sadəttin Kılıç, Azərbaycanın Türkiyədəki səfirliyinin əməkdaşları, digər rəsmi şəxslər və diaspor nümayəndələri mərasimdə iştirak ediblər.
İki il əvvəl Qartəpə rayonunda istifadəyə verilmiş Heydər Əliyev Parkında keçirilmiş mərasimdə çıxış edən Əli Həsənov bildirib ki, son illər dünyada hökm sürən iqtisadi böhrana baxmayaraq, Avrasiyanın ən sürətlə inkişaf edən ölkələri olan qardaş Azərbaycan və Türkiyə iqtisadi artım tempini davam etdirib və onların iqtisadi modeli bütün dünyaya nümunə ola bilər. Türkiyə və Azərbaycanın qardaşlıq rəmzi yalnız parklar deyil, xalqlarımızın gücünün, iqtisadi qüdrətimizin və mədəniyyətinin vəhdətidir. Bu həmrəylik və qardaşlıq siyasəti qlobal dünyada ölkələrimizin nüfuzunu daha da artırır. Azərbaycan Prezidenti İlham Əliyevin Xəzər hövzəsinin karbohidrogen ehtiyatlarının Türkiyə ərazisindən dünyaya çatdırılması və Qərb ilə Şərqi birləşdirəcək Bakı-Tbilisi-Qars dəmir yolu layihəsinin həyata keçirilməsi istiqamətində göstərdiyi səylər qardaş ölkə üçün böyük imkanlar yaradır. Azərbaycanda və Türkiyədə gələcək nəsillər də bu siyasətin bəhrəsini görəcəklər.
Prezident Administrasiyasının şöbə müdiri deyib ki, ölkələrimizin sürətli inkişafı və nüfuzunun artması fonunda Avropada və dünyada ölkələrimizi istəməyən İslamofobiya və antitürk təbliğatı aparan bəzi qüvvələr müxtəlif siyasətlər yürüdürlər. Onlar Türkiyə və Azərbaycanı İslam aləminin ən çox inkişaf edən ölkələri olaraq gördükləri üçün maneələr yaratmağa çalışırlar. Lakin bizim gücümüz, prezidentlərimizin siyasəti və xalqlarımızın iradəsi qarşısında dura biləcək bir qüvvə yoxdur. Biz gücümüzü birləşdirərək, əməkdaşlığımızı inkişaf etdirərək xalqlarımızın bütün dünyada mənafelərini müdafiə etməkdə davam edəcəyik. Bizim heç kimin torpaqlarında, sərvətində gözümüz yoxdur. Eyni zamanda, istəyirik ki, torpaqlarımız və sərvətimiz də bizə məxsus olsun və digər ölkələr buna hörmətlə yanaşsınlar.
Sonra, Kocaeli vilayətinin İzmit şəhərində Azərbaycan Mədəniyyət Evinin açılışı olub. Türkiyə-Azərbaycan Dərnəkləri Federasiyasının sədri Bilal Dündar, Qartəpə bələdiyyəsinin sədri Şükrü Karabalık Azərbaycan nümayəndə heyətinə təşəkkürünü bildirib, xatirə hədiyyələri təqdim ediblər.

Paylaş:

Baxılıb: 949 dəfə