Konstitusiyaya əlavə və dəyişikliklər olunması vacib və qaçılmazdır

Bakı:

20 °C

83 %

4 m/s

Əlaqə

AZ RU EN

Ana səhifə / Siyasət / Konstitusiyaya əlavə və dəyişikliklər olunması vacib və qaçılmazdır

Konstitusiyaya əlavə və dəyişikliklər olunması vacib və qaçılmazdır

24.09.2016 [09:46]

Qloballaşan dünyada baş verən hadisələr dövlətçiliyin qorunması və idarə olunmasında, insanların azad və firavan həyat sürməsində müəyyən problemlər yaradır. Müasir dövrün beynəlxalq siyasi oyunlarına tab gətirmək və bu çətin, mürəkkəb dünyada balanslaşdırılmış siyasət yürütmək dövlətçilik baxımından heç də asan məsələ deyil. Şübhəsiz ki, bu problemləri aradan qaldırmaq üçün dövlət tərəfindən düşünülmüş, uzaqgörən addımlar atılır. Bu səbəbdən də günümüzün tələbinə uyğun olaraq Konstitusiyada müəyyən dəyişikliklər etmək vacib və qaçılmazdır.
Referendum Aktında ən geniş müzakirə mövzusuna çevrilən 101-ci maddədir ki, bu da Azərbaycan Konstitusiyasi üçün ilk, dünyada isə artıq istifadə olunan praktikadır. Burada söhbət prezidentin fəaliyyət müddətinin 5 ildən 7 ilə qaldırılmasından gedir.
Azərbaycan elə bir geosiyasi məkanda yerləşir ki, lap qədim zamanlardan bu günümüzə qədər və bundan sonra da daima böyük dövlətlərin, böyük güclərin marağı dairəsində olmuş və olacaq. Bu baxımdan dövlət daha güclü və peşəkar idarəçilik tələb edir, o, müstəqilliyimizin ilk günlərindən bəllidir. Məhz Ümummilli lider Heydər Əliyev ikinci dəfə hakimiyyətə gəlməsəydi, dövlətçiliyimizin nə vəziyyətə düşəcəyini təsəvvür etmək elə də çətin deyildi. Dövləti qurmaq nə qədər çətindirsə, onu yaşatmaq, inkişaf etdirmək bir o qədər də mürəkkəbdir. Bunun da öhdəsindən yalnız Heydər Əliyev siyasətinə, ən əsası Heydər Əliyev təcrübəsinə daha dərindən bələd olan cənab Prezident İlham Əliyev gələ bilərdi. Şübhəsiz, cəmiyyət öz seçimini 2003-cü ildə edib.
Bu gün qonşu ölkələrin həm siyasi, həm iqtisadi baxımdan hansı vəziyyətdə olması heç kəsə sirr deyil. Lakin Azərbaycan özü də məhz dünyada baş verən iqtisadi tənəzzül dövründə bütün istiqamətlər üzrə inkişaf edir, beynəlxalq səviyyədə öz nüfuzunu daha da artırır. Düzdür, müəyyən beynəlxalq təşkilatlar bizə təzyiq etməyə çalışır, amma bu təşkilatların qərəzliliyi aşkardır. Azərbaycan dünyaya tam açıq ölkədir, demokratiya, insan haqlarının qorunması sahəsində dünyada ən qabaqcıl yerlərdə qərarlaşıb. Hər bir azərbaycanlı bilir ki, qısa müddət ərzində Azərbaycanın yüksək səviyyədə hərtərəfli inkişafı üçün hər birimiz iki şəxsə - Ümummilli lider Heydər Əliyevə və Prezident İlham Əliyevə borcluyuq. Bu, azərbaycanlıların, Azərbaycan gəncliyinin və mənim seçimimdir. Dırnaqarası demokratiya adı altında fəaliyyət göstərən, Azərbaycana qarşı çirkin kampaniya aparan təşkilatlar da bizim bu seçimimizi gərək qəbul etsinlər. Çünki biz, hər bir azərbaycanlı cənab Prezident İlham Əliyevin ətrafında sıx birləşmişik və Azərbaycanı həm daxili, həm də xarici düşmənlərdən qoruyacağıq. Bu, bizim hüququmuz və vətəndaş borcumuzdur!
Altay Cəfərov

Paylaş:

Baxılıb: 467 dəfə