Heydər Əliyev
yeni azerbaycan logo

Ana səhifə / Siyasət / Hulusi Akar: Şuşa Bəyannaməsi Qafqazın inkişafı və sabitliyi üçün böyük əhəmiyyət kəsb edir

Hulusi Akar: Şuşa Bəyannaməsi Qafqazın inkişafı və sabitliyi üçün böyük əhəmiyyət kəsb edir

16.11.2021 [13:52]

“Türkiyə Qafqazda sabitliyə böyük əhəmiyyət verir və bu bölgədə sülhün təmin olunması üçün böyük səylər göstərir”. yeniazerbaycan.com-un Türkiyənin “Anadolu” agentliyinə istinadən verdiyi xəbərə görə, bu sözləri Türkiyənin Milli müdafiə naziri Hulusi Akar deyib. Nazir, həmçinin Azərbaycanın 30 ildir ki, işğal altında olan torpaqlarını 44 gün davam edən Vətən müharibəsi ilə Ermənistanın işğalından xilas etdiyini xatırladıb.

Türkiyənin bu prosesdə Azərbaycanın yanında olduğunu qeyd edən H.Akarın sözlərinə görə, müharibədən sonra imzalanan Bəyanat çərçivəsində yaradılan Rusiya-Türkiyə Birgə Monitorinq Mərkəzində Türkiyə Silahlı qüvvələrinin kontingenti Rusiya hərbçiləri ilə birlikdə çalışır, atəşkəsin daimi olması və sabitlik üçün səy göstərirlər: “İndiyə qədər olduğu kimi, “İki dövlət, bir millət” anlayışı ilə kədərdə və sevincdə bir arada olduğumuz azərbaycanlı qardaşlarımızın haqq işlərində yanında olmağa davam edəcəyik”.

Azərbaycan Ordusunun modernləşdirilməsi, hərbi təlimlərdə dəstək verdiklərini, işğaldan azad edilmiş ərazilərdə birgə mina axtarış və məhvetmə fəaliyyətlərini davam etdiriklərini də qeyd edən H.Akar, həmçinin Şuşa Bəyannaməsini Türkiyə ilə Azərbaycan arasında hər sahədə, xüsusilə də təhlükəsizlik sahəsində əməkdaşlığı nəzərdə tutan “tarixi addım” kimi xarakterizə edib: "Bu Bəyannamə təkcə iki ölkənin deyil, bütün Qafqazın inkişafı və sabitliyi üçün böyük əhəmiyyət kəsb edir. Ermənistan Türkiyə Prezidenti və Azərbaycan Prezidenti İlham Əliyev tərəfindən uzadılan sülh və dostluq əlini tutmalı, “altılıq” platforması təklifi də daixl olmaqla, bu imkanlardan səmərəli istifadə etməlidir”.

Paylaş
Baxılıb: 144 dəfə

Xəbər lenti

Hamısına bax

Məqsəd keyfiyyətdir

02 Dekabr 11:00

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31