Azərbaycan yığma komandası dünya kubokunda birinci yeri qazanıb

Bakı:

11 °C

87 %

1 m/s

Əlaqə

AZ RU EN

Ana səhifə / Siyasət / Azərbaycan yığma komandası dünya kubokunda birinci yeri qazanıb

Azərbaycan yığma komandası dünya kubokunda birinci yeri qazanıb

30.09.2010 [09:26]

Bu münasibətlə Milli Aviasiya Akademiyasında mətbuat konfransı keçirilib
Dünən Milli Aviasiya Akademiyasında Yaponiyanın Tokio şəhərində keçirilmiş uşaq və gənclər, kişi və qadınlar arasında kosiki-karate-do idman növü üzrə 28-ci Yaponiya açıq çempionatında və 18-ci Dünya kubokunda qalib olmuş Azərbaycan yığma komandasının üzvlərinin uğurlarına həsr olunmuş mətbuat konfransı keçirilib.
Mətbuat konfransında akademiyanın tədris işləri üzrə prorektoru Ədalət Səmədov, yığma komandanın baş məşqçisi Talıb Berzigyarov və federasiyanın icraçı direktoru Ənvər Həzərxanov iştirak ediblər. öncə Milli Aviasiya Akademiyasının rektorunun referenti Şərəf Cəlilli çıxış edərək Azərbaycanın idman sahəsində böyük uğurlar qazandığını bildirib. Onun sözlərinə görə, bu gün Azərbaycan dünyada idman ölkəsi kimi tanınır. “ölkə Prezidenti, Milli Olimpiya Komitəsinin prezidenti İlham Əliyevin fəaliyyəti nəticəsində, Azərbaycan idman sahəsində böyük nailiyyətlər əldə edir, idmançılar üçrəngli bayrağımızı bütün dünyada zirvələrə yüksəldirlər. Əminik ki, gələcəkdə də böyük uğurlar qazanılacaq”, - deyə Ş.Cəlilli vurğulayıb.
Tədbirdə çıxış edən federasiyanın icraçı direktoru Ənvər Həzərxanov bildirib ki, bu nəticənin əldə olunması çox sevindiricidir. Onun sözlərinə görə, Azərbaycan yığması üçüncü dəfədir ki, Yaponiyada keçirilən bu yarışda birincilik əldə edir. Ə.Həzərxanov qeyd edib ki, Milli Aviasiya Akademiyasının rektoru, Kosiki-karate-do Federasiyasının və “Azal” İdman Klubunun fəxri prezidenti, akademik Arif Paşayev idmançılara lazımi şərait yaradıb. Bu diqqət və qayğının nəticəsində də idmançılarımız beynəlxalq miqyasda uğurlu nəticələr əldə edirlər. Belə ki, həmin yarışlarda 7 idmançı ilə təmsil olunan Azərbaycan yığma komandası 23 ölkədən gəlmiş 30 komanda arasında yüksək nəticə göstərərək birincilik qazanıb. Həmin idmançılar Milli Aviasiya Akademiyasının tələbələridir.
Yığma komandanın baş məşqçisi, Əməkdar məşqçi Talıb Berzigyarov isə Tokioda keçirilən yarışlarda idmançıların göstərdikləri nəticələr haqqında ətraflı məlumat verib. Belə ki, şəxsi hesabda karateçilərimizdən Nazim Mövsümzadə (bunkay-kumite), Ruslan Berzigyarov (Bunkay-kumite) və Yulya Mustafayeva (kumite, kata) Vətənə qızıl medallarla qayıdıblar. Nazim Mövsümzadə (kata), Lolita Hüseynova (kumite, kata), Vüsal Əliyev (kumite) ikinci, Ruslan Berzigyarov isə (kata) üçüncü yeri tutublar. Mətbuat konfransında çıxış edənlər vurğulayıblar ki, bu idman növü artıq respublikanın şəhər və rayonlarında da yayılır.
Verilən məlumata görə, noyabrda kosiki-karate-do idman növü üzrə açıq ölkə çempionatı keçiriləcək. Yarışda Azərbaycan idmançıları ilə yanaşı, Rusiya və Ukrayna idmançıları da mübarizə aparacaqlar.
Nardar BAYRAMLI

Paylaş:

Baxılıb: 1215 dəfə