"İki sahil" qəzetinin 20 illik yubileyi qeyd edilib

Bakı:

30 °C

52 %

6 m/s

Əlaqə

AZ RU EN

Ana səhifə / Siyasət / "İki sahil" qəzetinin 20 illik yubileyi qeyd edilib

"İki sahil" qəzetinin 20 illik yubileyi qeyd edilib

20.07.2011 [00:52]

Əli Həsənov: “İki sahil” qəzeti müstəqil Azərbaycanın mətbuat tarixində özünəməxsus yeri olan nəşrlərdən biridir
Dünən Bakı Əyləncə Mərkəzində “İki sahil” qəzetinin 20 illik yubileyi ilə əlaqədar mərasim keçirilib.
Qəzetin baş redaktoru Vüqar Rəhimzadə çıxış edərək mətbu orqanın keçdiyi şərəfli yoldan, əldə olunmuş uğurlardan danışıb, bütün bu illərdə onun milli mətbuatımızın ənənələrinə, dövlətə və dövlətçiliyə, xalqa sədaqət yolu tutduğunu vurğulayıb.
V.Rəhimzadə 3-cü dərəcəli “Vətənə xidmətə görə” ordeni ilə təltif edildiyinə görə, Prezident İlham Əliyevə minnətdarlığını bildirib, bunu dövlət başçısının qəzetin kollektivinin əməyinə verdiyi yüksək qiymət kimi səciyyələndirib.
Sonra qəzetin yaranma tarixi və fəaliyyəti ilə bağlı film nümayiş etdirilib.
Prezident Administrasiyasının İctimai-siyasi məsələlər şöbəsinin müdiri Əli Həsənov mərasimdə çıxış edərək qəzetin kollektivini 20 illik yubiley münasibətilə təbrik edib. O deyib ki, “İki sahil” qəzeti müstəqil Azərbaycanın mətbuat tarixində özünəməxsus yeri olan nəşrlərdən biridir: “Sağlam əqidə, milli özünüdərk ruhunda köklənmiş insanları ətrafında birləşdirən “İki sahil” qəzeti heç vaxt öz yolundan çəkilməyib, ümummilli lider Heydər Əliyevin ideyalarını qətiyyətlə təbliğ edib. Ulu öndər “İki sahil” qəzetinin fəaliyyətini, cəmiyyət qarşısındakı xidmətlərini yüksək qiymətləndirib”.
Əli Həsənov əmin olduğunu bildirib ki, “İki sahil” qəzeti bundan sonra da Azərbaycan cəmiyyətinə, dövlətçiliyinə sədaqətlə xidmət edəcək.
Azərbaycan Respublikası Dövlət Neft Şirkətinin prezidenti, Milli Məclisin deputatı Rövnəq Abdullayev də qəzetin kollektivini təbrik edərək deyib ki, qəzet cəmiyyətimizin informasiya tələbatının ödənilməsində mühüm rol oynayıb.
R.Abdullayev bildirib ki, Dövlət Neft Şirkəti qəzetin bir qrup əməkdaşının fəxri fərmanla təltif olunması və mükafatlandırılması barədə qərar qəbul edib. ARDNŞ prezidenti fəxri fərmanları və mükafatları sahiblərinə təqdim edib.
Mərasimdə çıxış edən YAP Sədrinin müavini-İcra katibi, Milli Məclisin deputatı Əli Əhmədov “İki sahil” qəzetinin Azərbaycan həqiqətlərinin yayılmasında mühüm xidmətlər göstərdiyini, öz missiyasını uğurla yerinə yetirdiyini vurğulayıb. Bildirib ki, fəaliyyətə başladığı dövrdə Ulu öndər Heydər Əliyevin ideyalarını, siyasi tezislərini cəmiyyətə çatdırmaq üçün ziyalılar “İki sahil” qəzetində çıxış ediblər.
Ə.Əhmədov YAP Siyasi Şurasının qəzetin kollektivinə ünvanlandığı təbrik məktubunu V.Rəhimzadəyə təqdim edib.
Daha sonra Mətbuat Şurasının sədri Əflatun Amaşov, ARDNŞ-in vitse-prezidenti Xoşbəxt Yusifzadə və başqaları qəzetin kollektivini təbrik edib, onlara uğurlar arzulayıblar.
Mərasim incəsənət ustalarının maraqlı konsert proqramı ilə davam edib.

Paylaş:

Baxılıb: 1045 dəfə