YAP Xəzər rayon təşkilatı Şüvəlanda iftar süfrəsi açıb

Bakı:

12 °C

47 %

6 m/s

Əlaqə

AZ RU EN

Ana səhifə / Siyasət / YAP Xəzər rayon təşkilatı Şüvəlanda iftar süfrəsi açıb

YAP Xəzər rayon təşkilatı Şüvəlanda iftar süfrəsi açıb

06.08.2011 [01:40]

Müqəddəs Ramazan ayının altıncı gününü yaşayırıq. Bildiyimiz kimi, Ramazan ayında edilən ən böyük ibadətlərdən biri də Oruc tutmaqdır. Oruc tutmaq fəzilətli bir əməl olduğu kimi, oruclu bir kimsəyə iftar vermək də onun qədər fəzilətlidir.
Məhz elə bu fəzilətli əməlin savabına nail olmaq və cəmiyyətin aztəminatlı təbəqəsinə müəyyən mənada dəstək vermək məqsədi ilə Yeni Azərbaycan Partiyasının (YAP) Xəzər rayon təşkilatı Şüvəlan məscidində oruc tutanlar üçün iftar süfrəsi açıb. Mərasimdə YAP İcra katibinin müavini, millət vəkili Siyavuş Novruzov, Milli Məclis üzvlərindən Rauf Əliyev, Sabir Hacıyev, YAP Xəzər rayon təşkilatının sədri Namiq Əhmədov, Xəzər Rayon İcra Hakimiyyətinin nümayəndələri, həmçinin, 200 nəfərdən artıq oruc tutmuş qəsəbə sakini iştirak edib. Onların arasında digər dinləri təmsil edən qəsəbə sakinləri də olub. Müqəddəs ayda ölkəmizin aparıcı siyasi qüvvəsi olan Yeni Azərbaycan Partiyası tərəfindən bu cür humanizm aksiyalarının davamlı şəkildə keçirildiyini xatırladan YAP Xəzər rayon təşkilatının sədri Namiq Əhmədov oruc tutub nəfsinə sahib olan insanlara bol ruzi, xoşbəxt həyat arzulayıb. Bildirib ki, ölkəmizdə həmişə milli-mənəvi dəyərlərlə yanaşı, dini dəyərlərə və prinsiplərə də, ən yüksək səviyyədə diqqət və qayğı göstərilməkdədir.
Qeyd olunub ki, Ramazan həmrəylik, dostluq, qardaşlıq, sevgi, mərhəmət və ruzi ayıdır. Azərbaycanda təşkil olunan iftar süfrələri də ölkəmizdə ənənəvi tolerantlığı və sıx birliyi nümayiş etdirir. Natiq Azərbaycanda hökm sürən sabitliyin, inkişafın, birliyin, vicdan azadlığı və tolerantlığın təməlində Ulu öndər Heydər Əliyevin müdrik siyasətinin dayandığını xüsusi vurğulayıb. O, bu siyasəti Prezident İlham Əliyevin uğurla davam etdirdiyini, respublikamızda gedən sürətli sosial-iqtisadi inkişafı, nümunəvi tolerantlığı beynəlxalq birliyin də etiraf etdiyini diqqətə çatdırıb.
Respublikamızda milli-mənəvi dəyərlərin qorunub möhkəmləndirilməsində Heydər Əliyev Fondunun prezidenti, YUNESCO-nun və İSESCO-nun xoşməramlı səfiri, Milli Məclisin deputatı Mehriban xanım Əliyevanın xüsusi xidmətlərini diqqətə çatdıran Namiq Əhmədov onun fəaliyyətinin Xəzər rayon ictimaiyyəti tərəfindən daim dəstəkləndiyini vurğulayıb. Mehriban xanım Əliyevanın Xəzər rayonundan Milli Məclisə üzv seçildiyini xatırladan natiq, məhz onun təşəbbüsü ilə rayonda xeyli abadlıq-quruculuq işlərinin aparıldığını, dini ibadətgahların əsaslı şəkildə təmir edildiyini, məktəb binalarının inşa edildiyini, yeni park və xiyabanların salındığını bildirib.
Sonra Şüvəlan dindarlarının axundu Şünasi müqəddəs kitabımız olan “Qurani-Kərim”in ayələrindən surələr oxuyub. Mərasimdə iştirak edən digər axundlar da iftar süfrəsinə gələn qonaqları salamlayıb və iftar duası ilə yanaşı, günü-gündən çiçəklənən Azərbaycanımızın daha da güclü olması üçün dualar ediblər.
Səlim LOÄžMANOÄžLU

Paylaş:

Baxılıb: 1216 dəfə