Gəncə şəhəri Nizami və Kəpəz rayonları inzibati ərazi bölgüsünün ləğv edilməsi vətəndaşların müraciətlərinə baxılma mexanizminin də sadələşdirilməsinə yol açacaq

Bakı:

24 °C

94 %

2 m/s

AZ RU EN

Ana səhifə / Sosial / Gəncə şəhəri Nizami və Kəpəz rayonları inzibati ərazi bölgüsünün ləğv edilməsi vətəndaşların müraciətlərinə baxılma mexanizminin də sadələşdirilməsinə yol açacaq

Gəncə şəhəri Nizami və Kəpəz rayonları inzibati ərazi bölgüsünün ləğv edilməsi vətəndaşların müraciətlərinə baxılma mexanizminin də sadələşdirilməsinə yol açacaq

09.09.2020 [09:00]

Ekspertlərin fikrincə, dövlət idarəçiliyinin optimallaşdırılması istiqamətində aparılan islahatlar nəticəsində böyük idarəetmə aparatı ləğv ediləcək və büdcə vəsaitlərinin sərfiyyatına qənaət olunacaq
Azərbaycan Respublikasında dövlət idarəçiliyinin optimallaşdırılması, şəffaflaşdırılması, onun operativliyinin və səmərəliliyinin yüksəldilməsi Prezident İlham Əliyev tərəfindən həyata keçirilən islahatların mühüm tərkib hissəsidir. Ümumiyətlə, son illərdə ölkəmizdə aparılan köklü islahatlar çoxşaxəli olmaqla istər iqtisadi, istər siyasi, istərsə də yerli özünü iderəetmə sistemində mühüm yeniliklərə yol açıb. Bu gün dövlət orqanlarının fəaliyyətində müşahidə olunan operativlik, ictimai rəyə, vətəndaşların problemlərinə həssas yanaşma, korrupsiya, rüşvətxorluq və digər neqativ hallara qarşı kəskin mübarizə, yeni idarəetmə fəlsəfəsi əhali tərəfindən təqdir olunur. Bütün bunlar göstərir ki, qarşıdan gələn dövrdə də yerli və mərkəzi icra orqanlarının fəaliyyətinin optimallaşdırılması ilə bağlı tədbirlər davam etdiriləcək.
Yeri gəlmişkən, Gəncə şəhəri Nizami və Kəpəz rayonları inzibati ərazi bölgüsünün ləğv edilməsi ilə bağlı irəli sürülən təşəbbüs də ölkənin ikinci böyük şəhərində idarəetmənin keyfiyyətinin yüksəldilməsi və vətəndaşların rahatlığının, məmnunluğunun təmin edilməsi məqsədi daşıyır. Bu təşəbbüsdə nəzərdə tutulan dəyişiklərin vətəndaşların müraciətlərinə baxılma mexanizmində yeniliklərə yol açacağı şübhəsizdir.
Məsələ ilə bağlı fikirlərini bölüşən Milli Məclisin deputatı Müşfiq Cəfərov qeyd edib ki, dövlətin idarəçilik sisteminin dayanıqlı fəaliyyəti və inkişafı üçün vacib amil olan şəffaflığın və hesabatlılığın artırılmasına Azərbaycanda daim xüsusi diqqət yetirilir. Millət vəkili vurğulayıb ki, bu istiqamətdə mühüm nəticələr əldə olunub. Prezident İlham Əliyevin rəhbərliyi ilə son illər həyata keçirilən uğurlu idarəçilik islahatları fonunda vətəndaş-məmur münasibətləri sahəsində də bir çox irəliləyişlərə nail olunub. “Düşünürəm ki, Gəncənin Nizami və Kəpəz rayonlarının inzibati ərazi bölgüsünün ləğv edilməsi idarəçilikdə keyfiyyəti daha da yüksəldəcək. Vahid idarəçiliklə vətəndaşlara xidmət daha da səmərəli və nəticəli olacaq. Sözügedən rayon bölgüsü ləğv edilərsə, vətəndaşlar həm vaxta qənaət edər, həm də vahid bir yerə müraciət edərlər. İdarəçilikdə bu cür addımların atılması birbaşa vətəndaşların rahatlığına yönəlib”, - deyə M.Cəfərov bildirib. Onun sözlərinə görə, vahid mərkəzdən idarəçilik çoxmərtəbəli idarəetmə sistemini tamamilə aradan qaldıracaq və vətəndaşlarda məmnunluq yaradacaq. O, Gəncə sakinlərinin də bu bölgünün ləğv edilməsindən razı qalacaqlarına əmin olduğunu söyləyib.
Milli Məclisin deputatı Vüqar Bayramov da ölkəmizdə idarəetmə aparatının həm yerli, həm də mərkəzi səviyyədə optimallaşdırılması ilə bağlı islahatların davam etdiyini diqqətə çatdırıb. Onun sözlərinə görə, bu, bir sıra mərkəzi icra orqanlarının, eləcə də, qurumların birləşməsinə səbəb olur. Yerli səviyyədə kadr islahatlarının aparılması, gənclərin yerli icra hakimiyyəti orqanlarına rəhbər təyin olunmasını da aparılan islahatların davam etməsindən xəbər verdiyini diqqətə çatdıran V.Bayramovun sözlərinə görə, Azərbaycan üçün yerli icra hakimiyyəti orqanlarının fəaliyyətinin təkminləşdirilməsi bölgələrə investisiyanın cəlb edilməsi baxımından da çox vacibdir: “Gözlənilir ki, yerli səviyyədə idarəetmə sisteminin optimallaşdırılması ilə bağlı islahatlar davamlı olacaq. Bu, idarəetmənin optimallaşdırılması, çevikliyin gücləndirilməsinə, qərarların daha şəffaf və səmərəli şəkildə verilməsinə gətirib çıxaracaq. Gəncə şəhərinin Nizami Və Kəpəz rayonları ilə bağlı irəli sürülən təşəbbüsdə də bu məqamlar mövcuddr. Yerlərdə idarəetmə orqanı ilə əlaqədar daha optimal idarəetmə sisteminin formalaşdırılması vəğtəndaş məmnuniyyətli ilə yanaşı, iqtisadi baxımdan inkişaf üçün ciddi bir zəmin yarada bilər”.
Pərviz SADAYOĞLU

Paylaş:

Baxılıb: 613 dəfə