“Yay məktəbi”nin növbəti turunda “Gənclərin seçki hazırlığı - seçki prosesi” mövzusunda təlim keçirilib

Bakı:

18 °C

82 %

1 m/s

AZ RU EN

Ana səhifə / YAP xəbərləri / “Yay məktəbi”nin növbəti turunda “Gənclərin seçki hazırlığı - seçki prosesi” mövzusunda təlim keçirilib

“Yay məktəbi”nin növbəti turunda “Gənclərin seçki hazırlığı - seçki prosesi” mövzusunda təlim keçirilib

16.07.2013 [16:48]

Yeni Azərbaycan Partiyası Gənclər Birliyinin təşkil etdiyi “Yay məktəbi”nin III Oğuz turunun ikinci günündə “Səs” qəzetinin baş redaktoru Bəhruz Quliyevin rəhbərliyi ilə “Gənclərin seçki hazırlığı - seçki prosesi” mövzusunda təlim keçirilib. SİA-nın xəbərinə görə, seçkilərin bütün partiyaların gücünü nümayiş etdirdiyini deyən Bəhruz Quliyev bildirib ki, hər bir partiya kimi Yeni Azərbaycan Partiyası da seçki ilinin təbliğat və təşviqat dövründə sosial gücünü ortaya qoyaraq öz namizədini dəstəkləyir: “İlk yarandığı dövrdə Yeni Azərbaycan Partiyası müxalif mövqedən çıxış etməsinə baxmayaraq, xalqın ona olan inamı və sevgisi nəticəsində artıq 20 ildir ki, YAP iqtidar partiyasıdır. Ötən dövrlərdə hakim partiya sosial gücünü, avanqardlığını yüksək səviyyədə nümayiş etdirərək xalq tərəfindən namizədinin prezident seçilməsinə nail olub. Azərbaycan qanunvericiliyində qeyd olunduğu kimi, hakimiyyətin mənbəyi xalqdır və xalq növbəti beş il üçün də öz lideri kimi məhz cənab Prezident İlham Əliyevi görür”.
Baş redaktor onu da bildirib ki, 1990-cı illərin əvvəllərində Azərbaycanda demokratiya kəlməsi zorakılıq, xaos anlamını verirdisə, Ümummilli liderin hakimiyyətə gəlməsi ilə bu söz əsl anlamını əks etdirdi: “Azərbaycan xalqının azad və müstəqil yaşaması Ulu öndər Heydər Əliyevin siyasi kursunun əsasını təşkil edib. Hazırda isə bu siyasi kursu cənab Prezident İlham Əliyev uğurla davam etdirir”.
“Yay məktəbi”nin iştirakçısı olan gənclər isə bidiriblər ki, gələcəkdə də Azərbaycanın müstəqil daxili və xarici siyasət kursunun qorunub saxlanılmasına tərəfdar olan xalqımız bu seçkilərdə də məhz Prezident İlham Əliyevə səs verəcək: “Prezidentliyə namizədliyini verən hər bir şəxs xarici qüvvələrin deyil, xalqının gücünə inanmalı, onun etimadını doğrultmalıdır. Bu xüsusiyyətlərin hər biri məhz ölkə başçısı İlham Əliyevdə cəmləşib. Prezident kimi fəaliyyət göstərdiyi 10 il ərzində ölkənin bütün sahələrinin inkişafına diqqət yetirən, vətəndaşlarının rifahının yüksəldilməsinə qayğı ilə yanaşan cənab İlham Əliyev Azərbaycan xalqının rəğbətini qazanıb”.
Daha sonra təlim iştirakçıların diskussiyası əsasında yekunlaşıb.
Qeyd edək ki, günün davamında gənc siyasətçilər “Seçkidə” praktik oyununu oynayıb, idman yarışlarında iştirak ediblər. Günün sonunda isə layihə iştirakçıları qalib komandanı müəyyənləşdiriblər.

Paylaş:

Baxılıb: 1577 dəfə