YAP Masallı rayon təşkilatının Gənclər Birliyi 2 fevral - Gənclər Günü münasibətilə tədbir keçirib

Bakı:

24 °C

88 %

4 m/s

AZ RU EN

Ana səhifə / YAP xəbərləri / YAP Masallı rayon təşkilatının Gənclər Birliyi 2 fevral - Gənclər Günü münasibətilə tədbir keçirib

YAP Masallı rayon təşkilatının Gənclər Birliyi 2 fevral - Gənclər Günü münasibətilə tədbir keçirib

29.01.2014 [08:54]

Yeni Azərbaycan Partiyası (YAP) Masallı rayon təşkilatının Gənclər Birliyi 2 fevral - Gənclər Günü münasibətilə “Böyük xilaskar və Azərbaycan gəncləri” mövzusunda tədbir keçirib. Tədbir iştirakçıları öncə Ulu öndər Heydər Əliyevin abidəsi önünə tər gül-çiçək dəstələri düzüb, rayondakı Heydər Əliyev Mərkəzini ziyarət ediblər. Sonra tədbir Yeni Azərbaycan Partiyası Masallı rayon təşkilatı aparatının akt zalında davam etdirilib. Tədbiri giriş sözü ilə YAP Masallı rayon təşkilatının Gənclər Birliyinin sədr müavini Cəlal Əliyev açaraq bildirib ki, əsası Ümummilli lider Heydər Əliyev tərəfindən qoyulan gənclər siyasəti bu gün Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyev tərəfindən uğurla davam etdirilir. “Gənclərə diqqət və qayğı Ümummilli lider Heydər Əliyevin hakimiyyətinin hər iki dövründə həyata keçirilən siyasətin mühüm istiqamətlərindən birini təşkil edib. 1997-ci ildə Ümummilli lider Heydər Əliyevin imzaladığı Sərəncamla 2 fevral Azərbaycanda Gənclər Günü elan edilib. Təsadüfi deyil ki, Gənclər Günü MDB məkanında və Şərqi Avropa ölkələri arasında ilk dəfə olaraq, məhz Azərbaycanda qeyd olunmağa başlayıb. Gənclər siyasəti bu gün Prezident İlham Əliyev tərəfindən uğurla davam etdirilir”, - deyə natiq vurğulayıb.
Sonra gənc YAP üzvü Röya Babayeva çıxış edərək, Gənclər Gününün mahiyyətindən danışıb. O, YAP Masallı rayon təşkilatının Gənclər Birliyinin fəaliyyəti haqda məlumat verərək bildirib ki, 2013-cü ildə rayon təşkilatına 289 gənc ərizə ilə müraciət edərək partiya sıralarına daxil olub, onlardan 112 nəfərini qadınlar təşkil edib. Hazırda YAP Masallı rayon təşkilatında gənclərin sayı 2354 nəfərə çatıb. 2013-cü ildə partiya sıralarına daxil olan gənclərin 74 nəfəri ali, 26 nəfəri orta ixtisas təhsilli, ümumilikdə isə 713 nəfər ali, 375 nəfər isə orta ixtisas təhsillidir. YAP Masallı rayon təşkilatında, həmçinin, 700 nəfərdən çox gənc qadın üzvlər vardır.
YAP Masallı rayon təşkilatı Gənclər Birliyinin üzvlərindən Yafəs Kərimov, Sübhan Şiriyev və başqaları çıxış edərək, Yeni Azərbaycan Partiyasının gələcəyinin ölkəmizin gələcəyi kimi parlaq olduğunu bildiriblər.
Daha sonra YAP Masallı rayon təşkilatı aparatının rəhbəri Qəşəm Hadıyev çıxış edərək, Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin Azərbaycan gənclərinə göstərdiyi diqqət və qayğıdan söz açıb.
Tədbirin sonunda partiya sıralarına yeni daxil olmuş üzvlərə vəsiqələr, partiya həyatında fəal iştirakına görə bir qrup gənclərə isə Fəxri Fərman və qiymətli hədiyyələr təqdim olunub.
Səlim Loğmanoğlu

Paylaş:

Baxılıb: 1314 dəfə