Silahlı Qüvvələri Günü münasibətilə YAP Ağdam Rayon Təşkilatının inzibati binasında şəhid ailələri ilə görüş keçirildi

Bakı:

25 °C

72 %

11 m/s

AZ RU EN

Ana səhifə / YAP xəbərləri / Silahlı Qüvvələri Günü münasibətilə YAP Ağdam Rayon Təşkilatının inzibati binasında şəhid ailələri ilə görüş keçirildi

Silahlı Qüvvələri Günü münasibətilə YAP Ağdam Rayon Təşkilatının inzibati binasında şəhid ailələri ilə görüş keçirildi

29.06.2026 [12:41]

26 İyun – Azərbaycan Respublikasının Silahlı Qüvvələri Günü münasibətilə Yeni Azərbaycan Partiyası Ağdam Rayon Təşkilatının inzibati binasında şəhid ailələri ilə görüş keçirildi.

Görüşdə YAP Ağdam rayon təşkilatının sədri Mansur Quliyev, Ağdam Rayon İcra Hakimiyyəti sektor müdiri Samir Məmmədov, SHXÇüzrə DX nin Ağdam rayon şöbəsinin rəis müavini Kənan Hüseynov, şəhid ailələrinin üzvləri iştirak ediblər.

Tədbir iştirakçıları əvvəlcə Ulu öndər Heydər Əliyevin mərkəzi meydanda ucaldılmış abidəsi önünə gül dəstələri düzərək, ruhuna ehtiramlarını ifadə etmişlər.

Görüşün rəsmi hissəsinə başlamazdan əvvəl Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Ağdam rayon təşkilastının sədri Mansur Quliyev və digər çıxış edənlər Ağdam Rayon İcra Hakimiyyəti sektor müdiri Samir Məmmədov, SHXÇüzrə DX nin Ağdam rayon şöbəsinin rəis müavini Kənan Hüseynov bildirdilər ki, Azərbaycan xalqı bu gün də Ulu öndər Heydər Əliyevin ideyalarına sədaqətini qoruyur və bu ideyaların Prezident İlham Əliyev tərəfindən yeni şəraitdə həyata keçirilməsini böyük ruh yüksəkliyi ilə dəstəkləyir. Milli maraqlara əsaslanan və xalqın rifahına xidmət edən bu kursun nəticəsində Azərbaycan 2020-ci ildə tarixinin ən şanlı səhifəsini – Vətən müharibəsində əldə olunan Zəfəri yazdı. Bu tarixi qələbədə şəhidlərimizin və qazilərimizin vətən qarşısında xidmətləri misilsizdir. Mansur Quliyev bildirdi ki, şəhid ailələrinin sosial müdafiəsinin gücləndirilməsi dövlət siyasətinin əsas prioritet istiqamətlərindən biridir. Bu sahədə həyata keçirilən tədbirlər ardıcıl və sistemli xarakter daşıyır.

Tədbirdə çıxış edən şəhid valideyinləri Siyafər Fərzəliyeva, Mehman Göyüşov övladlarının 3-cü dərəcəli “Vətənə Xidmətə görə” ordenlə təltif olunduqları üçün Prezident cənab İlham Əliyevə və həmçinin onlara göstərilən daimi diqqət, qayğıya görə Birinci vitse-prezident Mehriban xanım Əliyevaya öz minnətdarlıqlarını bildiriblər.

Silahlı Qüvvələr Günü münasibətilə şəhid ailələrinə YAP Ağdam rayon təşkilatı tərəfindən hədiyyələr təqdim olunmuşdur.

Paylaş:

Baxılıb: 320 dəfə