YAP Qaradağ rayon təşkilatı “Avanqard N” MMC-də görüş keçirib

Bakı:

26 °C

50 %

5 m/s

Əlaqə

AZ RU EN

Ana səhifə / YAP xəbərləri / YAP Qaradağ rayon təşkilatı “Avanqard N” MMC-də görüş keçirib

YAP Qaradağ rayon təşkilatı “Avanqard N” MMC-də görüş keçirib

02.09.2026 [14:52]

“Şəhərsalma və Memarlıq İli” çərçivəsində sentyabrın 1-də YAP Qaradağ rayon təşkilatı Sahil qəsəbəsində yerləşən “Avanqard N” MMC-də görüş keçirib.

Tədbirdə YAP Qaradağ rayon təşkilatının sədri İlqar İlyasov, “Mətanət-A” şirkətlər qrupunun departament rəhbəri, Bakı – Qazax şossesi 27-ci kilometr ünvanı üzrə ərazi partiya təşkilatının sədri Mais Qasımov, “Avanqard N” MMC-nin direktoru Alim Bayramov və zavodun əməkdaşları iştirak ediblər.

Əvvəlcə Ulu öndər Heydər Əliyevin və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbiri açan Yeni Azərbaycan Partiyası (YAP) Qaradağ rayon təşkilatının sədri İlqar İlyasov bildirib ki, Ümummilli Lider Heydər Əliyevin 1993-cü il iyunun 15-də hakimiyyətə Qayıdışı ilə ölkəmizdə ictimai-siyasi, sosial və mənəvi sahələrdə olan böhran aradan qaldırıldı və hər bir sahədə olduğu kimi, iqtisadi və özəl sahibkarlıq sahəsində də inkişaf başlandı.

Ümummilli lider Heydər Əliyevin istər keçmiş Sovet İttifaqı dövründə, istərsə də müstəqilliyin bərpasından sonra həyata keçirdiyi nəhəng layihələrdən, onun müəllifi olduğu neft və qaz strategiyasından, azad sahibkarlıq mühiti və bazar iqtisadiyyatının formalaşması istiqamətində qəbul etdiyi qərarlardan bəhs edən İlqar İlyasov məhz bu siyasət nəticəsində Azərbaycanın regionun lider dövlətinə çevrildiyini, öz gücü ilə müstəqilliyini qoruduğunu, ərazi bütövlüyünü və suverenliyini bərpa etdiyini vurğulayıb.

İşğaldan azad edilmiş ərazilərdə aparılan nəhəng bərpa və yenidənqurma işlərinə toxunan YAP rayon təşkilatının sədri cari ilin “Şəhərsalma və Memarlıq İli” elan edilməsinin həmçinin bu quruculuq işləri ilə birbaşa bağlı olmasına da diqqət yönəldib. Bu proseslərin fəal iştirakçısı olan zavodun əməkçilərinə gələcək fəaliyyətlərində uğurlar arzulayıb.

Görüşdə çıxış edən “Mətanət-A” şirkətlər qrupunun departament rəhbəri, Bakı – Qazax şossesi 27-ci kilometr ünvanı üzrə ərazi partiya təşkilatının sədri Mais Qasımov qeyd edib ki, Ulu Öndər Heydər Əliyevin əsasını qoyduğu iqtisadi inkişaf strategiyası sayəsində “Avanqard N” MMC-nin kollektivi üçün də unudulmaz və fərəhli dövr yaşanıb. Belə ki, 2002-ci ildə əsası qoyulmuş, ixrac yönümlü, Qafqazda ilk müasir tipli gips zavodu olan “Avanqard N” MMC də Ümummilli lider Heydər Əliyevin xeyir-duası və şəxsən iştirakı ilə fəaliyyətə başlayıb. Zavod 2007-ci ilin əvvəllərində tam gücü ilə məhsul istehsalına keçib. 2016-cı il yanvarın 30-da isə Azərbaycan Prezidenti İlham Əliyevin iştirakı ilə Bakının Qaradağ rayonunda “Mətanət-A” şirkətinin “Yeni Ağdağ“ Gips Zavodunun açılışı olub.

Sonra YAP Qaradağ rayon təşkilatının sədri zavodda istehsal prosesi ilə yaxından tanış olub. “Avanqard N” MMC-nin direktoru Alim Bayramov zavodda 200-dək işçinin çalışdığını, əsasən gips əsaslı məhsulların və gips karton lövhələrin istehsal olunduğunu bildirib.

Qeyd edib ki, keyfiyyəti ilə seçilən bu məhsullar həm daxili, həm də xarici bazarlara ixrac olunur.

Paylaş:

Baxılıb: 286 dəfə