Nizami rayonunda Çernobıl əlilləri böyük diqqət və qayğı ilə əhatələnib

Bakı:

24 °C

60 %

1 m/s

Əlaqə

AZ RU EN

Ana səhifə / YAP xəbərləri / Nizami rayonunda Çernobıl əlilləri böyük diqqət və qayğı ilə əhatələnib

Nizami rayonunda Çernobıl əlilləri böyük diqqət və qayğı ilə əhatələnib

29.04.2014 [09:02]

Sədaqət Vəliyeva: Ümummilli lider Heydər Əliyev ikinci dəfə hakimiyyətə qayıtdıqdan sonra Çernobıl əlillərinə diqqət və qayğı artıb
Aprelin 26-da Yeni Azərbaycan Partiyası (YAP) Nizami rayon təşkilatında 28 il əvvəl baş vermiş Çernobıl qəzası zamanı zərər çəkmiş rayon sakinləri ilə görüş keçirilib. Görüşdə çıxış edən YAP Nizami rayon təşkilatının sədri, Milli Məclisin deputatı Sədaqət Vəliyeva deyib ki, ölkəmizdə və rayonda Çernobıl əlillərinə böyük diqqət və qayğı göstərilir: “Ümummilli lider Heydər Əliyev ikinci dəfə hakimiyyətə qayıtdıqdan az sonra, 1993-cü ilin sonlarında bu qəzanın ləğvində iştirak etmiş və həmin qəzadan zərər çəkmiş vətəndaşların statusu və sosial müdafiəsi haqqında xüsusi Sərəncam imzalayıb. Bununla da Çernobıl əlillərinə diqqət və qayğı artıb. Eyni zamanda, Çernobıl qəzasının aradan qaldırılmasında iştirak edən şəxslərə olan dövlət qayğısının göstərilməsi, onların pensiya və müavinətlərinin artırılması Prezident İlham Əliyevin diqqət mərkəzindədir. Hazırda əlillərin keyfiyyətli müalicəsi üçün müvafiq tədbirlər həyata keçirilir. Prezident İlham Əliyevin tapşırıqlarına uyğun olaraq respublikamızda radiasiya şüalanmasından əziyyət çəkən vətəndaşlar üçün Mingəçevir şəhərində xüsusiləşdirilmiş müalicə mərkəzinin yaradılması və Bakı şəhərində çernobılçular üçün yaşayış binasının tikintisi minnətdarlıqla qarşılanıb”.
Çıxış edən Azərbaycan Respublikası Çernobıl Əlilləri İttifaqının sədri Mirhəsən Həsənov Çernobıl əlillərinin, onların ailə üzvlərinin problemlərinin həllinə xüsusi diqqətlə yanaşıldığını bildirib, dövlətimizin bu kateqoriyadan olan insanlar üçün müəyyənləşdirdiyi müavinət və təqaüdlərdən, güzəştlərdən söz açıb, Azərbaycan Prezidenti İlham Əliyevin uğurlu daxili və xarici siyasətini yüksək qiymətləndirdiklərini vurğulayıb.
Sonra çıxış edən Nizami rayon İcra Hakimiyyəti başçısının müavini Gülnaz İsrafilova, Nizami rayonu Ağsaqqallar Şurasının üzvü Mail Əliyev və digərləri vurğulayıblar ki, Çernobıl qəzasının nəticələrinin aradan qaldırılması zamanı şüalanmadan əlil olmuş insanlara dövlət səviyyəsində xüsusi diqqət və qayğı göstərilir, Çernobıl əlillərinin hüquqları müharibə əlillərinin hüquqları ilə bərabər tutulur. Bildirilib ki, Nizami rayonunda da Çernobıl əlilləri böyük diqqət və qayğı ilə əhatələnib.
Görüşdən sonra Çernobıl qəzasının ildönümü ilə əlaqədar 229 saylı orta məktəbdə ədəbi-bədii kompozisiya nümayiş etdirilib.
Həmin gün 230-dan artıq Çernobıl əlilinə yardım edilib.

Paylaş:

Baxılıb: 1077 dəfə