YAP Nərimanov rayon təşkilatı Qadınlar Şurası 31mart - Azərbaycanlıların Soyqırımı Günü ilə əlaqədar tədbir keçirib

Bakı:

10 °C

87 %

4 m/s

AZ RU EN

Ana səhifə / YAP xəbərləri / YAP Nərimanov rayon təşkilatı Qadınlar Şurası 31mart - Azərbaycanlıların Soyqırımı Günü ilə əlaqədar tədbir keçirib

YAP Nərimanov rayon təşkilatı Qadınlar Şurası 31mart - Azərbaycanlıların Soyqırımı Günü ilə əlaqədar tədbir keçirib

01.04.2015 [09:57]

Dünən Yeni Azərbaycan Partiyası (YAP) Nərimanov rayon təşkilatı Qadınlar Şurasının təşəbbüsü ilə rayondakı Novruzov qardaşları adına 36 saylı tam orta məktəbdə 31 mart - Azərbaycanlıların Soyqırımı Günü ilə əlaqədar tədbir keçirilib. Tədbiri giriş sözü ilə açan məktəbin direktoru İradə Babayeva 1918-ci ilin martında baş verən hadisələr haqqında geniş məlumat verib. O, qeyd edib ki, 1918-ci ilin mart hadisələri tariximizin qanlı səhifələrindən birini təşkil edir.
Sonra çıxış edən YAP Nərimanov rayon təşkilatı Qadınlar Şurasının sədri Məhəbbət İbrahimova bildirib ki, XX əsrin əvvəlində baş vermiş bu soyqırımı təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir: “Ermənilərin məqsədi bu idi ki, indiki Qərbi Azərbaycan torpaqlarından azərbaycanlıları qovub çıxarsın. Bütün bunlar “Böyük Ermənistan” dövlətinin yaradılmasına xidmət edirdi. Həmin bu ideyaya bolşevik mundiri geyinmiş daşnak ideologiyalı Şaumyan da Bakıda dəstək verdi. Bakıda guya bolşeviklərin qələbəsini təmin etmək adı altında erməni dəstələri yaradıldı. Həmin dəstələr Bakıda, Gəncədə, Qubada, Şamaxıda, Qarabağda qırğınlar törətdilər. Andranik isə Şərur, Dərələyəz, Vedibasar, Zəngəzuru işğal etməklə gəlib Qarabağda Şaumyanın dəstələri ilə birləşməli idi. Bununla da, “böyük erməni” dövləti yaratmaq istəyirdilər. Bu məqsədə çatmaq üçün on minlərlə dinc azərbaycanlı qətlə yetirildi”.
M.İbrahimova bildirib ki, gənc nəsil tariximizi dərindən öyrənməlidir. Çünki dövlətimizin daha güclü olması üçün bu, vacib şərtdir.
Tədbirdə, həmçinin, Nərimanov rayon İcra Hakimiyyəti başçısının müavini İradə Mahmudova və YAP Nərimanov rayon təşkilatı Qadınlar Şurasının sədr müavini Məhbubə Məmmədova çıxış ediblər. Çıxışlarda bildirilib ki, Azərbaycan Xalq Cümhuriyyəti tərəfindən yaradılmış Fövqəladə Təhqiqat Komissiyasının açıqladığı rəqəmlərə görə, həmin hadisələr zamanı Bakıda 12 min nəfərdən artıq azərbaycanlı qətlə yetirilib. Başqa mənbələrdə isə bu rəqəmin daha da artıq olduğu göstərilir. Bütövlükdə götürəndə, Cənubi Azərbaycanda 150 min nəfər, təkcə Urmiya şəhərində 10 min nəfər qətlə yetirilib, Şamaxının 75 kəndi, Qubanın 122 kəndi, Zəngəzurun 115 kəndi ermənilər tərəfindən tamamilə məhv edilib.
O, da qeyd olunub ki, Ümummilli liderimiz Heydər Əliyevin 1998-ci il martın 26-da imzaladığı “Azərbaycanlıların soyqırımı haqqında” Fərman gələcək nəsillərin tarixi hadisələri unutmaması, keçmişimizin xatırlanması üçün çox mühüm bir sənəddir.
Tədbirdə daha sonra Nərimanov rayonu 36 saylı tam orta məktəbin şagirdləri tərəfindən ədəbi-bədii kompozisiya təqdim olunub.
Nardar BAYRAMLI

Paylaş:

Baxılıb: 949 dəfə