Heydər Əliyev
yeni azerbaycan logo

Ana səhifə / YAP xəbərləri / YAP Laçın rayon təşkilatının Seçki Qərargahının növbəti iclası keçirilib

YAP Laçın rayon təşkilatının Seçki Qərargahının növbəti iclası keçirilib

02.09.2015 [10:12]

Yeni Azərbaycan Partiyası (YAP) Laçın rayon təşkilatının Seçki Qərargahının noyabrın 1-də Milli Məclisə keçiriləcək seçkilərlə əlaqədar növbəti iclası olub. İclasda çıxış edən Seçki Qərargahının sədr müavini və YAP Laçın rayon təşkilatının Aparat rəhbəri Xaliq Musayev seçkiyə hazırlıq prosesi ilə bağlı ümumi məlumat verib.
O, qeyd edib ki, parlament seçkiləri ilə əlaqədar rayon təşkilatının aparatında 13 nəfərdən ibarət Seçki Qərargahı yaradılıb. Laçınlı məcburi köçkünlərin yaşadıqları 58 rayon üzrə 121 saylı Seçki Dairəsinin 102 məntəqə seçki komissiyasının yerləşdiyi rayonlar, həmçinin, əhalinin sıx məskunlaşdığı ərazilər üzrə qərargah üzvləri arasında vəzifə bölgüsü aparılıb: “Onu da qeyd edim ki, parlament seçkiləri ilə əlaqədar qərargah üzvlərindən ibarət növbətçilik qrafiki tərtib edilərək İdarə Heyətinin iclasında hər iki məsələ təsdiq edilib. Qarşıdakı dövrdə görüləcək işlər müəyyənləşdirilib”.
Xaliq Musayevin sözlərinə görə, Seçki Qərargahında fəaliyyət göstərəcək qərargah üzvləri və seçki kampaniyasında iştirak edəcək YAP fəalları müəyyənləşdirilib: “Artıq onlar müvafiq qaydada təlimatlandırılıblar. Qərargahın üzvləri arasında gənclər də var. Ümid edirəm ki, bu parlament seçkilərində də gənclərimiz böyük fəallıq göstərərək öz töhfələrini verəcəklər. Bu prosesdə, həmçinin, qadınlarımızın da üzərinə böyük məsuliyyət düşür”.
Tədbirdə daha sonra Seçki Qərargahının qarşıdakı dövrlərdə görəcəyi işlər müzakirə olunub, müvafiq tapşırıq və tövsiyələr verilib.

Paylaş:
Baxılıb: 802 dəfə

Xəbər lenti

Hamısına bax

Ədəbiyyat

Analitik

Ədəbiyyat

Serial oxucusu

25 Aprel 08:50

Ədəbiyyat

Şənbə üçün nəzm

25 Aprel 08:38  

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30