YAP Binəqədi rayon təşkilatı bələdiyyə seçkilərinə hazırdır

Bakı:

25 °C

53 %

2 m/s

Əlaqə

AZ RU EN

Ana səhifə / YAP xəbərləri / YAP Binəqədi rayon təşkilatı bələdiyyə seçkilərinə hazırdır

YAP Binəqədi rayon təşkilatı bələdiyyə seçkilərinə hazırdır

27.10.2009 [09:16]

“Yeni Azərbaycan Partiyası (YAP) Binəqədi rayon təşkilatının böyük seçki təcrübəsi var ki, bu da bələdiyyə seçkilərində rayon təşkilatının qələbəsini təmin edəcək”. Bunu YAP Binəqədi rayon təşkilatının sədri Nəbi Xəlilov söyləyib. Onun sözlərinə görə, rayon təşkilatı budəfəki seçkilərdə 5 bələdiyyə üzrə 73 namizəd irəli sürüb: “Binəqədi bələdiyyəsi üzrə 19, M.Ə.Rəsulzadə bələdiyyəsi üzrə 15, Biləcəri bələdiyyəsi üzrə 15, Binəqədi qəsəbəsi bələdiyyəsi üzrə 13 və Xocəsən bələdiyyəsi üzrə isə 11 nəfərin namizədliyi irəli sürülüb. Artıq namizədlərin imza vərəqələri DSK-ya təqdim olunub. Düşünürəm ki, təşkil etdiyimiz iş sayəsində partiyamızın parlaq qələbəsini təmin edəcəyik”.
Nəbi Xəlilov deyib ki, təbliğat-təşviqat işini sistemli təşkil etmək məqsədilə yerlərdə fəallardan ibarət qruplar yaradılıb: “Yerlərdə insanlarla görüşmək üçün xüsusi qruplar formalaşdırmışıq. Onlar problemləri öyrənir, görülməli olan işləri müəyyənləşdirirlər”.
Müxalifətin “fəaliyyətinə” toxunan rayon təşkilatının sədri vurğulayıb ki, müxalifətçilik fəlsəfəsini bilməyən bu “qüvvələr” mövsümi fəaliyyətləri ilə gözdən pərdə asmağa çalışırlar: “Müxalifət budəfəki seçkilərdə də məğlub olacaq. Bunun isə bir neçə səbəbi var. Birincisi, ölkə üzrə 1700-ə qədər bələdiyyələrə seçkilər keçiriləcək. Bunun üçünsə, ən azı 2000 insanın namizədliyini irəli sürmək lazımdır. Amma müxalifətin sıralarında bu qədər insan olmadığı üçün namizədlərin irəli sürülməsi baş tutmayacaq. İkincisi, xalqın onlara inamı yoxdur. Bu amillər ona dəlalət edir ki, xalq sevgisinə, inamına malik olmayan müxalifət seçkilərdə məğlub olacaq”.
YAP Binəqədi rayon təşkilatının Gənclər Birliyinin sədrinin müavini Qüdsi Bayramov söyləyib ki, ötən seçkilərdə olduğu kimi, budəfəki siyasi kampaniya zamanı da gənclər yüksək fəallıq nümayiş etdirəcək: “Gənclər cəmiyyətimizin ən aktiv üzvləridir. Bu baxımdan da, qarşımızda duran vəzifələrin öhdəsindən layiqincə gəlməyə çalışacağıq. Rayon gəncləri ötən prezident seçkilərində və referendumda yüksək fəallıq nümayiş etdirmişdi. Əminəm ki, bələdiyyə seçkilərində də cəmiyyətin ən aktiv təbəqəsi kimi gənclərimiz səmərəli fəaliyyət göstərəcəklər”.
YAP Binəqədi rayon təşkilatının Qadınlar Şurasının sədri Məlahət İbrahimova isə vurğulayıb ki, qadınlar cəmiyyətin aparıcı üzvləri kimi, siyasi proseslərdə də aktiv iştirak edirlər: “Əvvəlki siyasi kampaniyalarda YAP Binəqədi rayon təşkilatının Qadınlar Şurası yüksək fəallıq nümayiş etdirib. çalışacağıq ki, budəfəki siyasi kampaniyada qadınların seçkilərdə iştirak payı yüksək olsun, əla nəticələr əldə edilsin”.
Ramil VƏLİBƏYOV

Paylaş:

Baxılıb: 1651 dəfə