YAP Abşeron rayon təşkilatında yeni ərazi ilk partiya təşkilatı təsis edilib

Bakı:

31 °C

48 %

5 m/s

Əlaqə

AZ RU EN

Ana səhifə / YAP xəbərləri / YAP Abşeron rayon təşkilatında yeni ərazi ilk partiya təşkilatı təsis edilib

YAP Abşeron rayon təşkilatında yeni ərazi ilk partiya təşkilatı təsis edilib

01.12.2018 [11:19]

Yeni Azərbaycan Partiyası (YAP) Abşeron rayon təşkilatının Masazır qəsəbə 5 saylı orta məktəbdə ərazi ilk partiya təşkilatının təsis yığıncağı keçirilib.
Yığıncaqda çıxış edən YAP Abşeron rayon təşkilatının sədri Bilman Vəliyev Yeni Azərbaycan Partiyasının ötən əsrin sonlarında ölkəmizdə meydana çıxan mürəkkəb siyasi situasiyadan, zamanın təxirəsalınmaz tələblərindən irəli gələrək Azərbaycan xalqının arzu və istəklərinin ifadəçisi kimi yarandığını deyib.
B.Vəliyev vurğulayıb ki, ölkənin ictimai-siyasi həyatında aparıcı rol oynayan YAP respublikamızın daim qüdrətlənməsinə, insanların sosial rifah halının yaxşılaşdırılmasına çalışıb. Bu, partiyanın siyasətində dövlətə, xalqa xidmətin öndə dayandığının təsdiqidir.
Sədr onu da qeyd edib ki, təşkilatın sıralarının artmasının ciddi səbəbləri var: “YAP-ın bütün uğurlarının arxasında xalqın inamı və bu inamdan doğan dəstəyi dayanır. Azərbaycan xalqı Ulu öndər Heydər Əliyevin əsasını qoyduğu və bu gün cənab Prezident İlham Əliyevin rəhbərlik etdiyi YAP-a böyük etimad göstərir, inanır.
Onu da vurğulamalıyıq ki, partiyamız da gördüyü işlərlə, üzərinə götürdüyü missiya ilə xalqın inamını doğruldub. Yeni Azərbaycan Partiyası Azərbaycanın və ümumiyyətlə, regionun ən böyük və güclü siyasi partiyası kimi daim inkişaf edir”.
Qeyd edək ki, YAP Abşeron rayon təşkilatı cəmiyyətin aparıcı qüvvəsi olan gənclərlə də işini güclü qurub. Bunun nəticəsi olaraq gənclərin partiyaya axını sürətlənib, onların ictimai-siyasi proseslərdə fəallığı daha da artıb.
Sonra çıxış edən YAP Abşeron rayon təşkilatı sədrinin müavini X.Şabanova, müəllimlər Aytən Sultanova, Aynurə Bağırova və başqaları bildiriblər ki, partiya yarandığı gündən onun Ümummilli lider Heydər Əliyev tərəfindən müəyyənləşdirilən və uğurla həyata keçirilən əsas proqramı Azərbaycanda dövlət müstəqilliyinin qorunub möhkəmləndirilməsindən, ərazi bütövlüyünün təmin edilməsindən, demokratik, hüquqi, dünyəvi cəmiyyət qurulmasından, əmin-amanlıq, ictimai-siyasi sabitlik, milli həmrəylik, güclü sosialyönümlü iqtisadiyyat yaratmaqdan ibarət olub. Məhz buna görə də ümumxalq partiyasına çevrilən YAP ölkəmizin və regionun ən aparıcı siyasi qüvvəsidir.
Sonra təşkilati məsələlərə baxılıb, Səlim Məmmədov yeni təsis edilən ərazi ilk partiya təşkilatının sədri seçilib.
Sonda partiyaya daxil olmuş bir qrup şəxsə üzvlük vəsiqələri təqdim edilib.

Paylaş:

Baxılıb: 1006 dəfə