Lerik rayonunun Pirəsora kəndinin seçiciləri də YAP-ın namizədlərinə səs verəcəklər

Bakı:

22 °C

62 %

5 m/s

Əlaqə

AZ RU EN

Ana səhifə / YAP xəbərləri / Lerik rayonunun Pirəsora kəndinin seçiciləri də YAP-ın namizədlərinə səs verəcəklər

Lerik rayonunun Pirəsora kəndinin seçiciləri də YAP-ın namizədlərinə səs verəcəklər

09.12.2009 [10:03]

Bu fikirlər bələdiyyə seçkilərinə hazırlıqla bağlı təbliğat-təşviqat kampaniyası çərçivəsində keçirilən görüşdə səsləndirilib
Yeni Azərbaycan Partiyasının (YAP) qarşıdan gələn bələdiyyə seçkiləri ilə bağlı təbliğat-təşviqat kampaniyası çərçivəsində növbəti görüşü Lerik rayonunun Pirəsora kəndində reallaşıb. Tədbiri giriş sözü ilə açan YAP Lerik rayon təşkilatının sədri Elxan Qəmbərov qarşıdan gələn bələdiyyə seçkiləri ilə bağlı geniş məlumat verib. O, təbliğat kampaniyasının uğurla davam etdirildiyini söyləyib: “Artıq bələdiyyələrin ölkənin həyatındakı rolu əhəmiyyətli dərəcədə artmaqdadır. Qarşıdan gələn seçkilərə ciddi hazırlaşan pirəsoralılar ümummilli lider Heydər Əliyev siyasi kursuna, Azərbaycan Respublikasının Prezidenti İlham Əliyev cənablarına və dövlət başçımızın Sədri olduğu partiyaya olan inamını və sevgisini bu dəfə də nümayiş etdirəcək”.
Millət vəkili Miri Qəmbərov da öz çıxışında bələdiyyələrin insanların, cəmiyyətin həyatında artan rolundan və bu qurumun kəsb etdiyi əhəmiyyətdən danışıb: “Ən gənc yerli özünüidarəetmə orqanı olan bələdiyyələrin qazandığı uğurlar ildən-ilə onların əhəmiyyətini artırır. Təsadüfi deyil ki, Yeni Azərbaycan Partiyası builki bələdiyyə seçkilərinə “Xalqa xidmət naminə” şüarı ilə gedir. Mən əminəm ki, ölkə vətəndaşlarının rifahına, dövlətimizin inkişafına xidmət göstərən siyasi kursu dəstəkləyən seçicilər YAP-ın namizədlərinə səs verəcəklər”.
Lerik rayon Pirəsora kənd bələdiyyəsinə Yeni Azərbaycan Partiyasının namizədi Bəyverdi Hüseynov çıxış edərək dövlətimizin, partiyamızın hər bir vətəndaşının, hər bir fəal partiya üzvünün qarşısına qoyduğu vəzifələrdən danışıb: “Dövlətimizin, partiyamızın qarşımıza qoyduğu vəzifələri layiqincə yerinə yetirməliyik. Bunun üçünsə seçicilərimiz qarşıdan gələn bələdiyyə seçkilərində fəallıq göstərməlidir. Dövlət başçımız, Yeni Azərbaycan Partiyasının Sədri cənab İlham Əliyevin yürütdüyü siyasət dağlar qoynunda yerləşən Lerik rayonuna bir firavanlıq, abadlıq gətirib. Biz də öz işimiz və fəaliyyətimizlə, həyat tərzimizlə Onun siyasətini dəstəklədiyimizi, Ondan nümunə götürdüyümüzü nümayiş etdirməliyik. Hər kəs öz fəaliyyətini partiyamızın irəli sürdüyü “Xalqa xidmət naminə” şüarı əsasında qursa həyatımız daha da gözəlləşər, uğurlarımız gündən-günə artar”.

Paylaş:

Baxılıb: 1434 dəfə