Heydər Əliyev
yeni azerbaycan logo

Ana səhifə / YAP xəbərləri / Nəsib Məhəməliyev təşviqat kampaniyası çərçivəsində növbəti görüşlərini keçirib

Nəsib Məhəməliyev təşviqat kampaniyası çərçivəsində növbəti görüşlərini keçirib

28.01.2020 [10:13]

9 fevral tarixində Milli Məclisə keçiriləcək seçkilərdə Yeni Azərbaycan Partiyasının (YAP) 109 saylı Balakən seçki dairəsi üzrə namizədi Nəsib Məhəməliyevin təbliğat-təşviqat kampaniyası çərçivəsində seçicilərlə görüşləri davam edir. Növbəti belə görüş rayonun Poşbinə kəndində keçirilib. Görüşdə Azərbaycanda ölkə başçısı, Yeni Azərbaycan Partiyasının Sədri İlham Əliyevin rəhbərliyi ilə həyata keçirilən siyasətin və icra olunan Dövlət proqramlarının uğurları barədə geniş məlumat verilərək bildirilib ki, son illərdə Azərbaycan dünyanın ən yüksək sürətlə inkişaf edən dövlətlərindən birinə çevrilib. Azərbaycan bu gün beynəlxalq ictimaiyyət tərəfindən etibarlı tərəfdaş, sözünə etimad olunan güclü dövlət kimi qəbul olunur.
YAP-ın namizədi Nəsib Məhəməliyev görüşdə çıxış edərək Prezident İlham Əliyevin rəhbərliyi ilə son illərdə reallaşdırılan islahatların ən müxtəlif sahələrdə böyük inkişaf göstəriciləri ilə müşayiət olunduğunu xatırladaraq Milli Məclisə seçkilərin də mühüm əhəmiyyətini qeyd edib. O, Balakən seçicilərini hər zaman olduğu kimi, bu seçkilərdə də fəal iştirak etməyə, seçkilərə daha güclü Azərbaycan naminə şüarı ilə qatılan YAP-ın namizədinə səs verməyə çağırıb.
Görüşdə çıxış edən seçicilər - Rəşid Qardaşov, Məhəməli Saxayev, Qurban Axverdiyev, Natiq Xipiyev və digərləri Nəsib Məhəməliyevin ötən müddət ərzində hər zaman seçicilərinin yanında olduğunu, onların problem və qayğılarına həssaslıqla yanaşdığını vurğulayaraq 9 fevralda da məhz YAP-ın namizədinə səs verəcəklərini bəyan ediblər.
Daha sonra Nəsib Məhəməliyev rayonun Qullar kəndində də seçicilərlə görüşüb, onların problem və qayğıları ilə maraqlanıb, parlament seçkilərində fəal iştirak etməyə çağırıb.
Dünən Nəsib Məhəməliyevin növbəti görüşü Balakən rayonunun qadın seçiciləri ilə keçirilib. Görüşdə Azərbaycanda bütün digər sahələrdə olduğu kimi, gender siyasətində də mühüm uğurlar əldə olunduğu, qadınların ölkəmizin ictimai-siyasi həyatında, eyni zamanda, idarəetmə strukturlarında və seçkili orqanlarda təmsilçiliyinin və fəallığının artdığı vurğulanıb. Balakənli qadın seçicilər Milli Məclisə seçkilərdə faəl şəkildə iştirak edəcəklərini və ən layiqli namizədə səs verəcəklərini qeyd ediblər.

Paylaş:
Baxılıb: 712 dəfə

Xəbər lenti

Hamısına bax

Sosial

Gündəm

Siyasət

YAP xəbərləri

Gündəm

Ədəbiyyat

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30