Məzahir Bayramov: Azərbaycan Prezidentinin təşəbbüsü ilə BMT Baş Assambleyasının xüsusi sessiyasının keçirilməsi pandemiya ilə beynəlxalq mübarizəyə böyük töhfələr verəcək

Bakı:

10 °C

81 %

9 m/s

AZ RU EN

Ana səhifə / YAP xəbərləri / Məzahir Bayramov: Azərbaycan Prezidentinin təşəbbüsü ilə BMT Baş Assambleyasının xüsusi sessiyasının keçirilməsi pandemiya ilə beynəlxalq mübarizəyə böyük töhfələr verəcək

Məzahir Bayramov: Azərbaycan Prezidentinin təşəbbüsü ilə BMT Baş Assambleyasının xüsusi sessiyasının keçirilməsi pandemiya ilə beynəlxalq mübarizəyə böyük töhfələr verəcək

09.07.2020 [09:40]

“Bu gün dünya böyük gərginlik içərisindədir. Milli sədlərin nə olduğunu bilməyən koronovirus pandemiyası dünyada xaos yaradıb. Bu ciddi təhlükəyə qarşı lokal mübarizələr isə lazımi effekt vermir. Belə bir zamanda bəşəriyyətin xilası uğrunda mübarizəyə səsləyən çağırış və təşəbbüs Azərbaycan Prezidenti İlham Əliyevdən gəldi”.
Bu fikirləri Yeni Azərbaycan Partiyası (YAP) Tovuz rayon təşkilatının sədri Məzahir Bayramov deyib.
M.Bayramov bildirib ki, dövlətimizin başçısı dünyanın 120 ölkəsini birləşdirən Qoşulmama Hərəkatının sədri kimi Hərəkatın Təmas Qrupu formatında koronovirusla mübarizəyə həsr olummuş “COVID-19-a qarşı birlikdəyik” mövzusunda onlayn Zirvə görüşündə BMT Baş Assambleyasının COVID-19 pandemiyasına həsr olunmuş xüsusi sessiyasının keçirilməsi təşəbbüsü ilə çıxış etdi. Cənab Prezidentin təşəbbüsünə nəinki Qoşulmama Hərəkatına üzv dövlətlər, eləcə də Avropa, Asiya, Afrika, Latın Amerikası regionlarının aparıcı dövlətləri dəstək ifadə ediblər.
“BMT-nin 130-dan çox üzv dövləti tərəfindən Prezident İlham Əliyevin təşəbbüsünün dəstəklənməsi dövlətimizin başçısının yüksək beynəlxalq nüfuzunun göstəricisidir. Azərbaycanın və onun Prezidentinin uğurlarından narahat olan Ermənistan isə bu məsələdə də özünü dünyda rüsvay etdi. Dünyanın pandemiya ilə üz-üzə olduğu, bütün ölkələrin bu məsələdə beynəlxalq həmrəyliyə və əməkdaşlığa ehtiyac duyduğu bir vaxtda, Ermənistanın bu mövzuda yüksək səviyyəli iclasın keçirilməsinin əleyhinə olmasının əsas səbəbi təbii ki, təşəbbüsün Azərbaycan tərəfindən irəli sürülməsidir.Ermənistanın ən ali dəyər olan insan sağlamlığı məsələsinin müzakirəsinə bu cür yanaşması onun antihumanist, antiinsani və antibəşəri mövqeyindən xəbər verir.Təcavüzkar Ermənistan növbəti dəfə məhz bu müstəvidə göründü. Ermənistandan fərqli olaraq Azərbaycan koronavirusla mübarizədə həm ölkə daxilində, həm də dünyada fəal rol oynayır. Azərbaycan Prezidentinin təşəbbüsü ilə BMT Baş Assambleyasının xüsusi sessiyasının keçirilməsi isə pandemiya ilə beynəlxalq mübarizəyə böyük töhfələr verəcək”, - deyə təşkilat sədri qeyd edib.

Paylaş:

Baxılıb: 562 dəfə