Ağadadaş Həsənov: Azərbaycan beynəlxalq müstəvidə yüksək nüfuza sahib olan dövlətdir

Bakı:

23 °C

59 %

1 m/s

Əlaqə

AZ RU EN

Ana səhifə / YAP xəbərləri / Ağadadaş Həsənov: Azərbaycan beynəlxalq müstəvidə yüksək nüfuza sahib olan dövlətdir

Ağadadaş Həsənov: Azərbaycan beynəlxalq müstəvidə yüksək nüfuza sahib olan dövlətdir

22.08.2020 [00:31]

“Cənubi Qafqaz regionunun lider dövləti olan Azərbaycanın beynəlxalq müstəvidə yüksək nüfuza malik olmasını, ölkədə xalq-iqtidar birliyinin təmin edilməsini şərtləndirən əsas faktor Prezident İlham Əliyevin rəhbərliyi ilə həyata keçirilən siyasətin modern çağırışlara və milli maraqlara cavab verməsidir. Müstəqillik illərində ölkəmizə rəhbərliyi zamanı Azərbaycanı tənəzzüldən xilas edərək tərəqqi yoluna çıxaran xalqımızın Ümummilli Lideri Heydər Əliyevin əsasını qoyduğu siyasət bu gün Onun layiqli davamçısı olan Prezident İlham Əliyev tərəfindən uğurla davam etdirilir. Şübhəsiz ki, Heydər Əliyev ideyaları dövlət müstəqilliyinin qorunması, inkişaf siyasətinin davam etdirilməsi, milli həmrəyliyin möhkəmləndirilməsi kimi mühüm strateji istiqamətləri əhatə edir. Məhz Prezident İlham Əliyevin rəhbərliyi ilə həyata keçirilən kurs bu kontekstdə mühüm əhəmiyyətə malikdir”.

Bu fikirləri Yeni Azərbaycan Partiyası (YAP) Sabirabad rayon təşkilatının aparat rəhbəri Ağadadaş Həsənov deyib.

O bildirib ki, qürurverici məqamlardan biri də Azərbaycanın beynəlxalq müstəvidə nüfuzunun əhəmiyyətli dərəcədə yüksəlməsidir. Məhz bunun nəticəsidir ki, Azərbaycan bütün dünya üçün cəlbedici ölkəyə çevrilib. Bu gün Azərbaycanın pandemiya şəraitində qlobal həmrəyliyə və beynəlxalq əməkdaşlığa xidmət edən mühüm təşəbbüslərlə çıxış etməsi də xüsusi vurğulanmalıdır.

Onun sözlərinə görə, may ayında Qoşulmama Hərəkatının Sədri kimi Prezident İlham Əliyevin təşəbbüsü ilə Hərəkatın Təmas Qrupu formatında videokonfrans vasitəsilə koronavirusla mübarizəyə həsr olunmuş “COVID-19-a qarşı birlikdəyik” mövzusunda Zirvə görüşünün keçirilməsi bu reallığı əks etdirən faktlardandır: “Azərbaycan Prezidentinin Zirvə görüşünün keçirilməsi ilə bağlı təşəbbüsü üzv dövlətlər tərəfindən yekdilliklə dəstəklənib ki, bu da dövlətimizin, dövlət başçısının beynəlxalq müstəvidə yüksək nüfuzunun daha bir nümunəsidir. Azərbaycan bundan əvvəl də videokonfrans formatında Zirvə görüşü keçirib. Belə ki, Azərbaycan Prezidenti, Türkdilli Dövlətlərin Əməkdaşlıq Şurasının Sədri İlham Əliyevin təşəbbüsü ilə aprelin 10-da Türk Şurasının videokonfrans vasitəsilə Zirvə görüşü təşkil edilib. Bütün bunlar bir daha Azərbaycanın beynəlxalq miqyasda artan nüfuzunun göstəricisidir”.

Paylaş:

Baxılıb: 583 dəfə