YAP Ağdaş rayon təşkilatında rayon gəncləri ilə onlayn görüş keçirilib

Bakı:

24 °C

64 %

2 m/s

Əlaqə

AZ RU EN

Ana səhifə / YAP xəbərləri / YAP Ağdaş rayon təşkilatında rayon gəncləri ilə onlayn görüş keçirilib

YAP Ağdaş rayon təşkilatında rayon gəncləri ilə onlayn görüş keçirilib

29.08.2020 [00:28]

Yeni Azərbaycan Partiyası (YAP) Ağdaş rayon təşkilatında rayon gəncləri ilə onlayn görüş keçirilib. Görüşü YAP Ağdaş rayon təşkilatının sədri, millət vəkili Cavid Osmanov açaraq ölkəmizdə həyata keçirilən dövlət gənclər siyasətindən bəhs edib.O qeyd edib ki, dövlət gənclər siyasətinin əsası Ulu Öndər Heydər Əliyev tərəfindən qoyulub və bu siyasət hazırda dövlətimizin başçısı tərəfindən uğurla davam etdirilir.

Rayon təşkilatı sədrinin sözlərinə görə, ölkəmizdə gənclər hər zaman dövlət qayğısı ilə əhatə olunublar: “Azərbaycan gənclərinin inkişafı ilə bağlı indiyə kimi bır sıra dövlət proqramları icra olunub. Hazırda isə 2015-2025-ci illəri əhatə edən Azərbaycan gəncliyinin inkişaf Strategiyası həyata keçirilir. Qeyd edim ki, gənclər dövlət proqramlarının yaratdığı imkanlardan geniş bəhrələnirlər. Bu mühüm və çoxşaxəli proqramlarda vətənpərvərlik, Azərbaycançılıq məfkurəsi, gənclərin beynəlxalq inteqrasiyası və dünyagörüşünün artırılması və sair məsələlər xüsusilə diqqət mərkəzində saxlanılır”.

Görüşdə C.Osmanov, həmçinin Azərbaycan gənclərinin vətənpərvərlik ruhunun çox yüksək olduğunu qeyd edib. Hazırda bütün dünyanın koronavirus pandemiyası ilə mübarizəyə səfərbər olunduğunu deyən millət vəkili ölkəmizdə bu infeksiyanın geniş yayılmasının qarşısını almaq üçün Prezident İlham Əliyevin rəhbərliyi ilə mühüm qərarların qəbul edildiyini və tədbirlərin həyata keçirildiyini bildirib.

Görüşdə pandemiya ilə mübarizədə gənclərin xüsusilə fəal rol oynadığı qeyd edilib. Bildirilib ki, pandemiya dövrünün ən vacib elementinə çevrilən könüllülərin fəaliyyəti sosial müdafiəyə xüsusi ehtiyacı olan insanlara dövlət qayğısının necə gerçəkləşdirildiyini əyani şəkildə göstərdi.

Qeyd olunub ki, gənc könüllülər xüsusilə əhalinin xəstəliklə bağlı maarifləndirilməsində, qayğıya ehtiyacı olan insanlara sosial xidmətlərin yerinə yetirilməsində, hazırlanmış sosial yardım paketlərinin aztəminatlı ailələrə çatdırılmasında iştirak edib, “Böyüklərimizi qoruyaq” və “Biz birlikdə güclüyük” şüarları ilə keçirilən aksiyalarda 65 yaşdan yuxarı tənha insanların zəruri ehtiyaclarının qarşılanmasında köməklik göstərib, vətəndaşlara tibbi ləvazimatların, gigiyenik və metodiki vasitələrin paylanmasında yaxından iştirak ediblər.

Diskussiya şəraitində keçən görüşdə gəncləri maraqlandıran suallar cavablandırılıb.

Paylaş:

Baxılıb: 660 dəfə