Heydər Əliyev
yeni azerbaycan logo

Ana səhifə / YAP xəbərləri / YAP Ağdaş rayon təşkilatı Qadınlar Şurasının növbəti tədbiri keçirilib

YAP Ağdaş rayon təşkilatı Qadınlar Şurasının növbəti tədbiri keçirilib

11.09.2020 [09:34]

Yeni Azərbaycan Partiyası (YAP) Ağdaş rayon təşkilatı Qadınlar Şurası videoformatda növbəti tədbir keçirib. Şuranın sədr müavini Şəhla Hacıbalayeva dövlətimizin koronavirus pandemiyasına qarşı apardığı davamlı mübarizə tədbirlərindən söz açaraq bildirib ki, pandemiyanın təsirlərini minimuma endirmək məqsədilə Azərbaycan Prezidenti tərəfindən vaxtında və çevik qərarların qəbul edilməsi, qabaqlayıcı tədbirlərin görülməsi mühüm əhəmiyyətə malik olan effektiv nəticələr verib: “İlk növbədə səhiyyə sistemi gücləndirilib, sosial cəhətdən həssas əhaliyə davamlı dəstək mexanizmləri tətbiq edilib, iqtisadi dayanıqlılığın təmin edilməsi ilə bağlı əhəmiyyətli addımlar atılıb. Bütün ölkə ictimaiyyəti vaxtında atılmış bu addımları böyük məmnunluqla qarşılayıb”.
Onun sözlərinə görə, Prezident İlham Əliyevin düşünülmüş, məqsədyönlü siyasətinin nəticəsində Azərbaycan bu ağır sınaqdan uğurla çıxmağı bacarıb. Dövlət başçısının “Biz birlikdə güclüyük!” devizi ətrafında qısa müddətdə xalqımızın pandemiyaya qarşı həmrəylik göstərməsi ölkəmizin bu qlobal sınaq dövrünü uğurla keçməsinə güclü zəmin yaradıb: “Təqdirəlayiq haldır ki, ölkəmizdə pandemiya dövründə aparılan işlər beynəlxalq qurumlar tərəfindən də yüksək qiymətləndirilməklə yanaşı, bir çox ölkələr üçün nümunə kimi səciyyələndirilib”.
Tədbirdə, həmçinin ölkə başçısı cənab İlham Əliyevin Azərbaycan təhsilinə göstərdiyi diqqət və qayğıdan da söhbət açılıb. Prezident İlham Əliyevin, eləcə də ölkənin Birinci vitse-prezidenti Mehriban xanım Əliyevanın elm, təhsil sahəsinə hər zaman diqqət və qayğı göstərdiklərini bildirən Şəhla Hacıbalayeva qeyd edib ki, bunun da nəticəsində respublikamızda bu sahə sürətlə inkişaf etməkdədir.
Tədbirdə çıxış edən qadınlar ölkə başçısı cənab İlham Əliyevin koronavirusla mübarizə sahəsindəki yorulmaz və məqsədyönlü fəaliyyətini, vətəndaşların mənafelərinə xidmət edən uğurlu siyasətini birmənalı şəkildə dəstəklədiklərini bildiriblər. Bir daha vurğulanıb ki, bu çətin və məsuliyyətli dövrdə Azərbaycan xalqı birlik və həmrəylik nümayiş etdirir.

Paylaş:
Baxılıb: 651 dəfə

Xəbər lenti

Hamısına bax

İqtisadiyyat

Gündəm

701,6 milyon avro...

29 Aprel 10:34

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30