Bərdədə Alı Mustafayevin anadan olmasının 70 illiyi qeyd edilib

Bakı:

22 °C

68 %

2 m/s

Əlaqə

AZ RU EN

Ana səhifə / YAP xəbərləri / Bərdədə Alı Mustafayevin anadan olmasının 70 illiyi qeyd edilib

Bərdədə Alı Mustafayevin anadan olmasının 70 illiyi qeyd edilib

14.04.2022 [20:00]

Bərdə şəhər 5 saylı tam orta məktəb şəhid Azərbaycanın Milli Qəhrəmanı Alı Mustafayevin adını daşıyır. Bu gün həmin məktəbdə onun anadan olmasının 70 illiyi böyük təntənə ilə qeyd edildi.

Tədbirdə YAP Bərdə rayon təşkilatının sədri Fəqət Şadlinskaya, rayon Təhsil şöbəsinin müdir əvəzi Ədalət Ismayılov, rayon Gənclər və İdman İdarəsinin rəisi Hikmət Ələkbərli, QMƏVŞAİB rayon şöbəsinin sədri Etibar Hüseynova, məktəbin müəllim və şagird kollektivi, ictimaiyyət və KİV nümayəndələri iştirak edirdilər.

Tədbir məktəbin həyətində Milli Qəhrəman Ali Mustafayevin büstünün ziyarət olunması ilə başlandı. Tədbir iştirakçılarından bir qrupu büstün önünə tər qərənfillər düzərək Alı Mustafayevə ehtiramlarını bildirdilər.

Sonra məktəblilərin hazırladıqları sərgiyə baxış keçirildi.

Tədbirdə torpaqlarımızın ərazi bütövlüyü uğrunda həlak olmuş bütün şəhidlərin xatirəsi bir dəqiqəlik sükutla yad edildi. Sonra Dövlət Himni səsləndirildi. Məktəbin “Şahinlər” hərbi idman qrupunun üzvləri tədbir iştirakçılarını hərbi salamlarını çatdırdılar.

Tədbiri məktəbin direktor müavini Zərifə Məmmədova acdı. Məktəbin direktoru Teymur Həmidov tədbir iştirakçılarını salamladı və bildirdi ki, bütün şəhidlərin adının uca tutulması, onların ailələrinə baş çəkilməsi, məktəbdə onlarıla və qazilərlə görüşlərin keçirilməsi və adını daşıdığı Alı Mustafayevin anım və ad günlərinin təntənəli qeyd edilıməsi bu məktəbdə ənənə halını alıb. Bunlar məktəblilərin vətənpərvərlik tərbiyəsinin gücləndirilməsində, onların hərbi möhkəmlik ruhunda böyüməsində çox böyük rol oynayır.

Tədbirdə çıxış edən YAP Bərdə rayon təşkilatının sədri Fəqət Şadlinskaya müzəffər Ali Baş Komandan cənab İlham Əliyevin rəhbərliyi altında xalq ordu birlyinin sarsılmaz gücü ilə torpaqlarımızın işğaldan azad edilməsi ilə həm Birinci Qarabağ müharibəsində, həm də 44 gün çəkən Vətən müharibəsində şəhid olan bütün oğulların, o cümlədən şəhid Alı Mustafayevlə birgə Qarakənd faciəsində həlak olan digər Vətən oğullarının qisasının alındığndan danışdı. Bugün onların ruhu rahatdır, dedi.

Daha sonra çıxış edən rayon Təhsil şöbəsinin müdir əvəzi Ədalət İsmayılov, QMƏVŞAİB rayon təşkilatının sədri Etibar Hüseynova, rayon Gənclər və İdman İdarəsinin rəisi Hikmət Ələkbərli, Respublikanın Əməkdar müəllimi Minayə Nəbbaqi, məktəbin hərbi müəllimi, Vətən müharibəsi iştirakçısı Elçin Mustafayev Milli Qəhrəman Alı Mustafayevin cəsarətli jurnalistlik fəaliyyətindən, Vətən sevgisindən, igid, qəhrəman ömür yolundan geniş söhbət açdılar.

Tədbir məktəblilərin hazırladıqları kompozisiyanın nümayişi ilə başa çatdı.

Paylaş:

Baxılıb: 713 dəfə