Pirallahıda dövlət qulluqçularının peşə bayramı qeyd olundu

Bakı:

25 °C

48 %

6 m/s

Əlaqə

AZ RU EN

Ana səhifə / YAP xəbərləri / Pirallahıda dövlət qulluqçularının peşə bayramı qeyd olundu

Pirallahıda dövlət qulluqçularının peşə bayramı qeyd olundu

23.06.2022 [18:26]

Hər il iyunun 23-ü ölkəmizdə dövlət qulluqçularının peşə bayram günü kimi qeyd olunur. Bu bayram ilk dəfə BMT Baş Assambleyasının 20 dekabr 2002-ci il tarixli qətnaməsinə əsasən 2003-cü ildə Birləşmiş Millətlər Təşkilatının Dövlət Qulluğu Günü kimi qeyd edilmişdir. Dövlət qulluqçusunun dövlətin, cəmiyyətin və hər bir vətəndaşın həyatında önəmini, demokratik, hüquqi və dünyəvi dövlətin qurulması prosesində dövlət qulluğunun rolunu və BMT Baş Assambleyası tərəfindən iyunun 23-nün Birləşmiş Millətlər Təşkilatının Dövlət Qulluğu Günü elan edildiyini nəzərə alan Azərbaycan Respublikasının Prezidenti cənab İlham Əliyev həmin günü “Dövlət qulluqçularının peşə bayramı günü” kimi təsis etmişdir. Respublikamızda çalışan çoxsaylı dövlət qulluqçuları öz bayramlarını 2006-cı ildən etibarən təntənəli şəkildə qeyd edirlər. Respublikamız müasir dünyada qəbul edilmiş dövlət idarəetmə sistemlərinə uyğun milli dövlət quruculuğu istiqamətdə islahatları uğurla davam etdirir. Bu islahatlardan məqsəd çevik dövlət idarəçilik sisteminin formalaşdırılması, insan və vətəndaş hüquq və azadlıqlarının yüksək dövlət təminatına nail olunması, bütövlükdə Azərbaycanın beynəlxalq aləmə inteqrasiyası prosesinin sürətləndirilməsindən ibarətdir.

Bu gün Pirallahı Rayon İcra Hakimiyyətində də əlamətdar gün münasibətilə Yeni Azərbaycan Partiyası ilə birgə tədbir keçirildi. Tədbirdə çıxış edən RİH-nin başçısı Vasif İmanov dövlət qulluqçularını peşə bayramları münasibətilə təbrik etdi, onlara işlərində nailiyyətlər arzuladı. O, bu günün yaranma tarixi, Ulu Öndər Heydər Əliyevin müstəqil Azərbaycanda dövlət qulluğunun baza və prinsiplərinin yaranması ilə bağlı göstərdiyi böyük xidmətləri, möhtərəm Prezidentimiz İlham Əliyev tərəfindən dövlət qulluğunun qeyd edilməsi, qüvvəyə minməsi və digər hüququ aktlara dair imzaladığı qanun, fərman və sərəncamlar barədə geniş məlumat verdi. Qeyd etdi ki, bu sahədə çalışmaq böyük məsuliyyətdir. Natiq bildirdi ki, ölkə Prezidentinin dövlət qulluqçuları haqqında söylədiyi “Hər bir şəxs bilməlidir ki, dövlət qulluğunda olmaq imtiyaz deyil, məsuliyyətdir, insanlara xidmət imkanıdır” fikrini hər bir dövlət qulluqçusu öz əməli işi ilə hər zaman doğrultmağa çalışmalıdır. Hər bir dövlət qulluqçusu üzərinə düşən məsuliyyəti dərk edərək vətəndaşlara, xalqa xidmət etməyi özünün həyat amalı, məqsədi hesab etməlidir. Vətəndaşların müraciətini, qayğısını özünün qayğısı hesab etməli, daim vətəndaş məmnunluğunu təmin etməlidir.

YAP Pirallahı rayon təşkilatının sədri Emil Abasov öz çıxışında bildirdi ki, sivilizasiya tarixi göstərir ki, bir dövlətin təşəkkülünün ənənəvi atributları sadəcə ordu, pul vahidi, bayraq və s-dən əlavə həm də onun iyerarxik struktur malik məmurlar aparatının mövcudluğundan asılıdır. Azərbaycan dövlətinin qurucusu Ümummilli lider Heydər Əliyev ikinci dəfə siyasi hakimiyyətə qayıtdıqdan sonra dövlət qulluğunun müasir dünya standartlarında tənzimləməsi istiqamətində mühüm addımlar ataraq bu sahənin hərtərəfli normativ-hüquqi bazasını yaratdı. Müasir dövrümüzdə isə möhtərəm Prezidentimiz cənab İlham Əliyevin diqqət və qayğısı sayəsində Azərbaycan məmuru və bütövlükdə dövlət qulluqçularının maddi təminatı və sosial müdafiəsi xeyli yaxşılaşmış, onlar bir sıra güzəşt və imtiyazlar əldə etmişlər. Bu gün burada iştirak edən dövlət qulluqçularının bir çoxu eyni zamanda Yeni Azərbaycan Partiyasının fəaliyyətində və tədbirlərində aktiv təşkilatçı kimi çıxış etmişdirlər. Həmin amil həm də onların yüksək siyasi-ideoloji keyfiyyətlərinin də göstəricisidir.

Tədbirin sonunda qulluqda və Yeni Azərbaycan Partiyası tədbirlərində fərqlənən bir qrup dövlət qulluqçusuna RİH-in və YAP rayon təşkilatının fəxri fərmanları təqdim olundu.

Paylaş:

Baxılıb: 639 dəfə