Heydər Əliyev
yeni azerbaycan logo

Ana səhifə / YAP xəbərləri / Səmərəli enerji siyasətinin məntiqi nəticəsi

Səmərəli enerji siyasətinin məntiqi nəticəsi

25.07.2022 [10:36]

Nihad Pənahov

YAP Tovuz rayon təşkilatının sədri

Azərbaycanın uğurlu enerji diplomatiyası iqtisadi imkanlarının artmasında, həmçinin tərəfdaşlarının əhatə dairəsinin genişlənməsində əhəmiyyətli rol oynayır. 2017-ci ildə “Əsrin müqaviləsi”nin davamı olaraq “Yeni əsrin müqaviləsi”nin imzalanması, həmçinin  Cənub Qaz Dəhlizi layihəsinin uğurla başa çatdırılması və digər mühüm hadisələr Azərbaycanın uğurlu enerji siyasətinin təqdimatlarıdır.

Reallıq budur ki, Azərbaycan liderlik mövqeyini nümayiş etdirməklə Avropanın enerji xəritəsini yenidən tərtib edir. Dünya enerji bazarında mövqeləri möhkəmlənən Azərbaycanın imkanlarının artması ölkəmizin yeni-yeni layihələri gündəmə gətirərək uğurla başa çatdırmasına stimul verir.  Bölgədə siyasi sabitliyin qorunmasında, dövlətlər arasında iqtisadi, siyasi əməkdaşlığın möhkəmlənməsində böyük xidmətləri olan Azərbaycan neft-qaz, nəqliyyat layihələrinin reallaşmasında təşəbbüskar bir dövlət kimi vədinə sadiqliyini bəyan edir. Dövlət başçısı İlham Əliyev bu əminliyi də ifadə edir ki, Cənub Qaz Dəhlizinin reallaşması iqtisadi və siyasi imkanlarımızı daha da genişləndirəcək.

Təbii ki, atılan addımların, görülən işlərin təməlində ölkəmizin daha da güclənməsi, mövqelərinin möhkəmlənməsi, dünyada daha böyük nüfuza malik olması və ən önəmlisi, xalqımızın daha da yaxşı yaşaması dayanır. Ölkə Prezidenti daim bu reallığı önə çəkir ki, neft və qazla zəngin çox ölkələr var. Lakin bu resurslar heç də həmin ölkələrə  uğur gətirmir. Azərbaycanda isə tamamilə fərqlidir. Ölkəmizin iqtisadi siyasətini, neft strategiyasını qabaqcıl təcrübəyə əsasən müəyyənləşdirməsi bu kimi problemləri yaşamamasını şərtləndirir.

Bu gün Azərbaycanın iqtisadiyyatın şaxələndirilməsi siyasətini uğurla həyata keçirməsi də neft siyasətinin məntiqi nəticəsidir. İqtisadiyyatını düzgün əsaslar üzərində quran Azərbaycan yeni dostlar, tərəfdaşlar qazanır, reallığa çevirdiyi enerji və nəqliyyat layihələri ilə ölkələri biri-birinə daha da yaxınlaşdırır.

İyulun 18-də  Avropa Komissiyasının Prezidenti xanım Ursula Fon der Lyayenin ölkəmizə səfəri çərçivəsində Azərbaycan ilə Avropa İttifaqı arasında  “Azərbaycan Respublikası ilə Avropa Komissiyası tərəfindən təmsil olunan Avropa İttifaqı arasında enerji sahəsində Strateji Tərəfdaşlığa dair Anlaşma Memorandumu”nun imzalanmasından sonra  dövlət başçısı İlham Əliyev mətbuata bəyanatında bir daha bu reallığı diqqətə çatdırdı  ki, Azərbaycanın başladığı və Avropa İttifaqının, o cümlədən tərəfdaşlarımızın dəstəklədiyi enerji layihələri Avropanın enerji xəritəsini tamamilə dəyişir. Azərbaycan neft hasilatı ilə başladı. Sonra qaz hasilatına keçdi. Xəzər dənizini Qara dəniz və Aralıq dənizi ilə birləşdirən neft kəmərini reallığa çevirdik: “Əlbəttə ki, 3500 kilometr uzunluğu olan Cənub Qaz Dəhlizi boru kəməri sistemlərini inteqrasiya etdi və bununla təbii qazımız Avropa qitəsinə çatdırılır. İki ildən az müddətdə Cənub Qaz Dəhlizi tam gücü ilə işləyir. Bütün seqmentlər istismar olunur. Biz bu əməkdaşlığın müsbət faydasını artıq görürük. Enerji təhlükəsizliyi məsələləri bu gün heç zaman olmadığı qədər vacibdir. Azərbaycan ilə Avropa İttifaqı arasında enerji sahəsində uzunmüddətli, proqnozlaşdırılan və çox etibarlı əməkdaşlıq təbii ki, böyük nailiyyətdir”.

Azərbaycanın dünyanın enerji təhlükəsizliyinin təminatında artan rolu göz önündədir. İmzalanan Memorandumda bərpaolunan enerji mənbələri məsələsi önə çəkilir və ölkəmizin bu sahədə böyük potensiala maik olduğu bildirilir. Nəzərə alsaq ki, hazırda böyük quruculuq meydanına çevrilən işğaldan azad edilmiş ərazilərimiz böyük külək və Günəş enerjisi potensialına malikdir, bu halda gələcək əməkdaşlığa veriləcək töhfələrin miqyası  barədə aydın təsəvvür yaranır.  Dövlət başçısı İlham Əliyev bu məqamı da xüsusi qeyd etdi ki, Qarabağın və Şərqi Zəngəzurun azad olunmuş ərazilərində Günəş və külək enerjisinin potensialı 9200 meqavatdır. Xəzər dənizində külək enerjisinin potensialı isə 157 qeqavata bərabərdir. Azərbaycanın nəhəng resurs ehtiyatları var. Bundan əlavə, qarşıdakı  illərdə istifadə edəcəyimiz yeni qaz yataqları var. Bərpaolunan enerjidən istifadə edərək ixrac üçün daha çox qaz təmin ediləcək.

Gələcək əməkdaşlığın yol xəritəsi kimi dəyərləndirilən Strateji Tərəfdaşlığa dair Anlaşma Memorandumu ümumilikdə Azərbaycanın malik olduğu iqtisadi imkanların təqdimatında əhəmiyyətli rol oynayır. Hər yeni sənəd əlaqələrin inkişafında yeni səhifə açır.

Paylaş:
Baxılıb: 92 dəfə
Multi-media

Xəbər lenti

Hamısına bax

Xəbər lenti

Neft ucuzlaşıb

16 Avqust 12:18

Ədəbiyyat

Ədəbiyyat

Xarici siyasət

Sosial

Xəbər lenti

Yaşamağa dəyər!

16 Avqust 10:48

İqtisadiyyat

İqtisadiyyat

Prezident bu gün

Prezident bu gün

16 Avqust 10:14

Analitik

Həqiqət və reallıq

16 Avqust 10:08

Gündəm

Xəbər lenti

Xəbər lenti

Prezident bu gün

Prezident bu gün

15 Avqust 10:28

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31