Çoxşaxəli inkişaf strategiyası nəticəsində ölkəmizdə dayanıqlı və davamlı iqtisadi inkişafa nail olundu

Bakı:

22 °C

46 %

5 m/s

AZ RU EN

Ana səhifə / YAP xəbərləri / Çoxşaxəli inkişaf strategiyası nəticəsində ölkəmizdə dayanıqlı və davamlı iqtisadi inkişafa nail olundu

Çoxşaxəli inkişaf strategiyası nəticəsində ölkəmizdə dayanıqlı və davamlı iqtisadi inkişafa nail olundu

17.10.2022 [11:33]

“Bizim siyasətimizin mərkəzində Azərbaycan vətəndaşı dayanır”.- deyən Prezident cənab İlham Əliyevin çoxşaxəli inkişaf strategiyası nəticəsində ölkəmizdə dayanıqlı və davamlı iqtisadi inkişafa nail olundu, Azərbaycanın dünyadakı nüfuzu daha da artdı, yeni-yeni hədəflərin gerçəkləşməsi istiqamətində inamlı addımlar atıldı.
Ölkəmizə rəhbərliyi dövründə Prezident cənab İlham Əliyevin daxili siyasət kursunun çox mühüm istiqamətlərindən birini sosial siyasət təşkil edir. Prezident İlham Əliyevin sosial dövlət fəlsəfəsinin əsasında hər bir vətəndaşın layiqli həyat şəraitinin təmin edilməsi prinsipi durur. Azərbaycanda sürətli inkişaf təbii olaraq, dövlət quruculuğunun bütün sahələrinə, o cümlədən sosial sferaya ciddi sirayət edib və bir çox sosial proqram və layihələrdə real əksini tapıb. Bu siyasətin ən önəmli istiqamətlərindən biri ölkəmizdə qaçqın və məcburi köçkünlərə 30 ilə yaxın bir dövr ərzində göstərilən qayğıdır və bu gün bu insanların qısa müddət ərzində öz doğma dədə-baba torpaqlarına qayıdışı üçün başlanan Böyük qayıdış proqramı sosial islahatların uğurlu davamıdır.
Təsadüfi deyil ki, Prezident cənab İlham Əliyev dəfələrlə bəyan edib ki, sosial siyasət Azərbaycanın dövlət siyasətinin ayrılmaz hissəsidir.
"Azərbaycanı qüdrətli dövlətə çevirmək üçün ən başlıcası, ölkədə Heydər Əliyevin siyasəti davam etdirilməlidir. Bu gün yüksək kürsüdən çıxış edərkən mən Azərbaycan xalqına söz verirəm ki, bu siyasətə sadiq qalacağam, heç vaxt bu yoldan dönməyəcəyəm, Heydər Əliyevin siyasətini davam etdirəcəyəm",-deyən Prezident cənab İlham Əliyevin qalib lider olaraq bütün öhdəliklərini reallaşdırmaqdadır.
Müasir dövrdə Ulu Öndərin Azərbaycançılıq fəlsəfəsi İlham Əliyev siyasətinin mənəvi dayağına çevrilmişdir.
Bu gün Prezident cənab İlham Əliyev tərəfindən həyata keçirilən çoxtərəfli xarici siyasət nəticəsində Azərbaycan regionun ən güclü ölkəsinə çevrilmişdir.
2003-cü ildən etibarən Azərbaycan Respublikasının Prezidenti İlham Əliyev tərəfindən qurucusu ümummilli liderimiz Heydər Əliyev olan ordunun maddi-texniki bazasının gücləndirilməsi, şəxsi heyətin döyüş və mənəvi-psixoloji hazırlığının yüksəldilməsi istiqamətində mühüm tədbirlər həyata keçirilməyə başlanıldı. Bu islahatlar Azərbaycanın Vətən müharibəsində qazandığı layiqli qələbə ilə öz inkişafını bütün dünyaya bəyan etdi.
Azərbaycanın gələcəyinə xidmət edən enerji siyasəti regionda təhlükəsizliyin möhkəmlənməsində strateji faktor kimi çıxış edir. Azərbaycanın təşəbbüsü və iştirakı ilə reallaşdırılan enerji layihələrinin geostrateji - siyasi və iqtisadi əhəmiyyəti beynəlxalq miqyasda olduqca yüksək qiymətləndirilir. Çünki Azərbaycanın bu sahədə həyata keçirdiyi strateji kurs həm də ölkəmizlə əməkdaşlıq edən dövlətlərin enerji təhlükəsizliyinin, milli maraqlarının təmin olunması baxımından müstəsna əhəmiyyət kəsb edir.
Prezident cənab İlham Əliyev Azərbaycan Respublikası regionlarının sosial-iqtisadi inkişafı Dövlət proqramlarını (2004-2008-ci, 2009-2013-cü və 2014-2018-ci illər) təsdiq etməklə regionlarda mövcud olan əmək ehtiyatlarından, təbii və iqtisadi potensialdan səmərəli istifadə, iqtisadiyyatın qeyri-neft sektorunun inkişafını sürətləndirmək və aqrar sektorda islahatları dərinləşdirmək, əhalinin məşğulluğunu artırmaq, yoxsulluğun səviyyəsini azaltmaq, müasir tipli müəssisələr, yeni iş yerləri yaratmaq istiqamətində sistemli tədbirlərin həyata keçirilməsi üçün hüquqi baza yaratdı. Dövlət proqramlarında qarşıya qoyulan vəzifələrin həyata keçirilməsi özünü bütün sahələrdə göstərdi. Regionlarda dünya standartlarına cavab verən istehsal və sənaye müəssisələri yaradıldı. Regionlarımızın siması tamamilə dəyişdi, gözəlləşdi.
Yeni nəslin hərtərəfli inkişafının əsas şərtlərindən biri gənclərin ölkənin sosial-iqtisadi, ictimai-siyasi və mədəni həyatında aktiv iştirakının təmin edilməsidir. Fərəhli haldır ki, Azərbaycanda əsası 1994-cü ildən ulu öndər Heydər Əliyev tərəfindən qoyulan dövlət gənclər siyasəti məhz bu prinsiplər əsasında formalaşıb və müvafiq hüquqi sənədlərdə də öz əksini taparaq həyata keçirilir. Odur ki, yetkin dövlət təfəkkürlü, yüksək intellektli, milli dəyərlərə bağlı sağlam mənəviyyatlı gəncliyin formalaşdırılması bu siyasətin əsas istiqamətlərindən birini təşkil edir və bu gün gəncliyimizin rəğbət və dəstəyini qazanmış dövləti siyasəti formalaşmışdır.
Dövlət başçısının milli birlik və həmrəylik konsepsiyası dərin məzmun yükü ilə cəmiyyətin mənəvi bütövlüyündə və monolitliyində aparıcı amilə çevrilməkdən savayı, həm də ona xalqı öz ətrafında birləşdirmək, milli ideallar ətrafında səfərbər etmək imkanı vermişdir. Cənab İlham Əliyev səlahiyyətlərinin icrasına başladığı ilk gündən cəmiyyətin bütün siyasi qüvvələrinin, sosial qruplarının, dini-etnik konfessiyalarının birliyini təmin etmək istiqamətində ardıcıl siyasət yürütmüşdür. Eyni zamanda, cənab İlham Əliyev bu illər ərzində Ulu Öndərin ümumxalq həmrəyliyinin möhkəmləndirilməsi xəttini inamla davam etdirmişdir.
Bunun bariz nümunəsini 44 günlük Vətən müharibəsində bir daha gördük. Müzəffər Ali Baş Komandan cənab İlham Əliyevin rəhbərliyi, xalq-iqtidar-ordu birliyinin möhtəşəm vəhdəti Azərbaycanın 30 il həsrətində olduğu qələbəni bizə bəxş etdi.

Həbib Misirov
YAP Kəlbəcər rayon təşkilatının sədri

Paylaş:

Baxılıb: 479 dəfə