Azərbaycan hər zaman sülhü, əmin-amanlığı, inkişafı dəstəkləyir

Bakı:

15 °C

94 %

4 m/s

Əlaqə

AZ RU EN

Ana səhifə / YAP xəbərləri / Azərbaycan hər zaman sülhü, əmin-amanlığı, inkişafı dəstəkləyir

Azərbaycan hər zaman sülhü, əmin-amanlığı, inkişafı dəstəkləyir

02.12.2022 [16:09]

Azərbaycanın geostrateji yerləşməsi həmişə - qədim İpək Yolu vaxtından Ümummilli Lider Heydər Əliyevin böyük Avrasiyanın yeni enerji xəritəsini məharətlə cızaraq müvəffəqiyyətlə enerji dəhlizlərinin yaratdığı müasir dövrümüzə qədər özünə diqqəti cəlb etmişdir. Bu, həm ticari, həm də siyasi nöqteyi-nəzərdən qovuşuqda yerləşən ölkə üçün asan deyildi. Çünki regionun üzləşdiyi bütün əsas məsələlərdə Azərbaycan həmişə üzərində hökmranlıq etmək istəyən tərəflərin səylərinə, bu səylərin haradan daxil olmasına baxmayaraq müqavimət göstərmişdir.

Prezident İlham Əliyevin Azərbaycan və Xəzər regionu üzərindən Asiya və Avropa arasında daha yaxşı sinerjini yaratmaq üçün uzunmüddətli baxışı və yorulmaz səyləri bu məqsədə əhəmiyyətli dərəcədə töhfə vermişdi.Azərbaycan postmüharibə mərhələsinə kimsədən asılı olmayan və iqtisadi dinamik inkişaf edən müstəqil dövlət kimi qədəm qoydu. Eyni zamanda Qələbədən sonra nəqliyyat dəhlizləri, Zəngəzur dəhlizi və digər təşəbbüslər üçün imkanlar yarandı. Bu dəhlizlərin açılması Azərbaycan üçün çox mühüm əhəmiyyət kəsb edir.

Bu gün Azərbaycan Cənubi Qafqazın lider dövləti olaraq regionda sülhün bərqərar olması üçün bütün imkanları nəzərdən keçirir və xalqlar arasında iqtisadi, mədəni, siyasi, diplomatik əlaqələrin dərinləşməsini, insanların daha yaxşı, rifah içində yaşaması üçün yeni qərarların qəbul olunması, yanaşmaların tətbiq edilməsində əzmkarlıq nümayiş etdirir.

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Orta Dəhliz məsələsinə həsr olunan konfransda iştirak edən Azərbaycan Respublikasının Prezidenti İlham Əliyev çıxış edərək Orta Dəhliz kimi irimiqyaslı layihəni icra etmək üçün təhlükəsizlik və iqtisadi potensialın vacib olduğunu, bunlar olmadan Orta Dəhlizin tam istismara verilməsi məqsədinənail olmağın mümkünsüzlüyünü qeyd edib.

İstənilən genişmiqyaslı layihənin icrası üçün önəmli elementlərdən biri sabitlikdir. Azərbaycanda uzun illərdir var olan sabitlik bizim iqtisadi inkişafımızın əsas amillərindən biridir. Güclü iqtisadiyyat, siyasi, iqtisadi sabitlik və hökumət siyasətimizin proqnozlaşdırılması - bütün bu amillər mümkün qədər çox ölkə ilə daha yaxın münasibətlərin qurulmasıüçün çox vacibdir.

Azərbaycanın coğrafiyası bu gün hər kəsə yaxşı məlumdur. Bizim Avropa ilə Asiyanın arasında yerləşməyimizdir. Əslində, iki qitənin ortasında yerləşirik və bu bizə bağlılıq məsələlərində mühüm rol oynamağa imkan verir. Bu gün Azərbaycan yük qatarlarının sürətini artırmaq üçün yeni, müasir dəmir yolları tikir. Dünyada yeni geosiyasi vəziyyətin mövcudluğuna və Azərbaycandan daha çox yüklərin daşınmasına zərurət olduğuna görə dəniz ticarət limanının 15 milyon tondan 25 milyon tona qədər genişləndirilməsi nəzərdə tutulub.
Ölkəmizdə eyni zamanda hava limanlarının da layihələri artıq tamamlanır. Hal-hazırda Laçında hava limanı tikilməkdədir. Laçın hava Limanı işğaldan azad olan ərazilərimizdə tikilən üçüncü Beynəlxalq Hava limanıdır. Bundan sonra daha altı hava limanı tikilərək, sərnişin və yük daşınmaları üçün tikilən hava limanlarının sayı doqquza çatdırılacaqdır.

Beynəlxalq konfransda Prezident İlham Əliyevin növbəti dəfə yeni reallıqlara aydınlıq gətirməsi, ölkəmizin öz qonşuları ilə, Cənubi Qafqazla əməkdaşlıq etmək istəyən digər dövlətlərlə dostluq münasibətləri və əlaqələri qurmağa hazır olması da onu göstərdi ki, Azərbaycan Cənubi Qafqaz dövləti olaraq sülhü, əmin-amanlığı, inkişafı dəstəkləyir. Azərbaycan Prezidenti konfransdakı çıxışında İsraildə səfirlik və Fələstində Təmsilçilik Ofisinin açılması barədə fikirlərini ifadə edərək İsraildə səfirliyin və Fələstində Təmsilçilik Ofisinin açılmasının milli maraqlara əsaslandığını bildirib. Dövlət başçısı bu qərarın sülhün möhkəmlənməsi işinə və bu dövlətlərdə uzunmüddətli, səmərəli əməkdaşlığa xidmət edəcəyini qeyd edib.

YAP Naftalan şəhər təşkilatının sədri Rövlan Heydərov

Paylaş:

Baxılıb: 487 dəfə