“Heydər Əliyev siyasəti milli sərvətimizdir" mövzusunda elmi-praktik konfrans keçiriIib

Bakı:

26 °C

65 %

3 m/s

Əlaqə

AZ RU EN

Ana səhifə / YAP xəbərləri / “Heydər Əliyev siyasəti milli sərvətimizdir" mövzusunda elmi-praktik konfrans keçiriIib

“Heydər Əliyev siyasəti milli sərvətimizdir" mövzusunda elmi-praktik konfrans keçiriIib

09.12.2022 [15:38]

Yeni Azərbaycan Partiyası Goranboy rayon təşkilatı ulu öndər Heydər Əliyevin anım gününə həsr olunmuş “ Heydər Əliyev siyasəti milli sərvətimizdir,, mövzusunda YAP fəalları ilə birlikdə elmi-praktik konfrans keçirdi.

09 dekabr 2022-ci il tarixdə keçirilmiş konfransda əvvəlcə rayon təşkilatının əməkdaşları və bir qrup YAP fəalı ilə birlikdə Goranboy rayon Heydər Əliyev Parkında Ulu Öndərin abidəsi önünə tər çiçəklər qoyulması ilə başladı. Tədbir iştirakçıları sonra Heydər Əliyev Mərkəzində Ulu Öndərin həyat və yaradıclığını əks etdirən şəkillərə və video çarxa baxdılar.

Tədbir sonra Goranboy rayon Heydər Əliyev Mərkəzində davam etdirilimişdir.

Tədbirə başlamazdan əvvəl Yeni Azərbaycan Partiyasının yaradıcısı, Ulu Öndər Heydər Əliyevin, dünyasını dəyişmiş YAP üzvlərinin və Şəhidlərimizin əziz xatirəsi bir dəqiqəlik sükutla yad edilmişdir.

Tədbiri giriş sözü ilə YAP Goranboy rayon təşkilatının sədri Elçin İsmayılov açaraq müstəqil Azərbaycan dövlətinin memarı və qurucusu, dünya şöhrətli siyasi xadim, türk dünyasının böyük oğlu, xalqımızın ümummilli lideri Heydər Əliyevin vəfatından 19 il keçdiyini xatırladaraq, qeyri-adi şəxsiyyəti, zəngin dövlətçilik təcrübəsi, fenomenal siyasi bacarığı, böyük istedadı ilə fərqlənən xarizmatik lider Heydər Əliyevin hələ sağlığında canlı əfsanəyə çevrildiyini və öz şah əsəri olan müstəqil Azərbaycanı bütün dünyada şərəf və ləyaqətlə təmsil etdiyini bildirdi. Azərbaycanın ərazi bütövlüyünün təmin olunması ilə bağlı olduğuna diqqət çəkən rayon təşkilatının sədri işğal altında olan torpaqlarımızın azad olunması istiqamətində Heydər Əliyev tərəfindən sistemli və məqsədyönlü fəaliyyətin əsasının qoyulduğunu bildirib. Bu missiyanın Ümummilli Liderin parlaq ideyalarının davamçısı, Prezident, Müzəffər Ali Baş Komandan İlham Əliyevin rəhbərliyi altında Azərbaycan Ordusunun 44 günlük Vətən müharibəsində qazandığı şanlı zəfəri ilə başa çatdırıldığını deyib.

Konfransda həmçinin YAP fəalları Fizuli Almuradov , Sənəm Alxasova, çıxış edərək ümummilli lider Heydər Əliyevin Azərbaycana rəhbərliyi dövründə təhsil və səhiyyə sahəsində aparılan islahatlardan, qazanılan nailiyyətlərdən danışdılar. Çıxış edənlər həmçinin Azərbaycanın xilaskarı, YAP-ın qurucusu ulu öndər Heydər Əliyevin şərəfli həyat yolundan, xalqı, vətəni üçün misilsiz tarixi xidmətlərindən ürəkdolusu danışmış, bugünkü qüdrətli Azərbaycanın xoş gələcəyindən söhbət açmışlar. Çıxış edənlər eyni zamanda bildirdilər ki, Heydər Əliyev siyasi kursu bu gün möhtərəm Prezidentimiz cənab İlham Əliyev tərəfindən uğurla, dövrün və zamanın tələbinə uyğun yaradıcılıqla davam etdirilir. Heydər Əliyev dahi bir şəxsiyyət kimi, böyük ideyaların müəllifi kimi nəsildən-nəslə keçərək Azərbaycan xalqının qəlbində daimi yaşayacaqdır.

Paylaş:

Baxılıb: 613 dəfə