Azərbaycan türk dünyasının birləşdirici nüvəsidir.

Bakı:

25 °C

41 %

3 m/s

Əlaqə

AZ RU EN

Ana səhifə / YAP xəbərləri / Azərbaycan türk dünyasının birləşdirici nüvəsidir.

Azərbaycan türk dünyasının birləşdirici nüvəsidir.

19.12.2022 [11:42]

Bu gün türk dövlətlərinin qarşılıqlı münasibətləri yeni müstəvidə inkişaf edir. Prezident cənab İlham Əliyevin son vaxtlarda türk dövlətlərinə səfəri və keçirilən görüşlər, imzalanan sənədlər bu münasibətlərin inkişafında önəmli faktordur. Bu gün Azərbaycan həm də türk dünyasının birləşdirici nüvəsidir.
Əlbəttə ki, həyata keçirilən daxili, çoxtərəfli və balanslaşdırılmış xarici siyasət nəticəsində, Azərbaycan hazırda regionun ən güclü və nüfuzlu dövlətinə çevrilməklə yanaşı, böyük itqisadi gücə malik, eyni zamanda enerji nəqliyyatında ən böyük aktorlardan biridir.
Ötən həftə Prezident cənab İlham Əliyevin Türkmənistana səfəri, Azərbaycan, Türkiyə və Türkmənistan Dövlət başçılarının Birinci Üçtərəfli Zirvə Görüşünün təşkil edilməsi, əlbəttə ki, türk dünyasının əməkdaşlığına böyük töhfədir.
Azərbaycan, Türkiyə və Türkmənistan bir-biri ilə etnik, dini-mədəni köklər və ortaq mənəvi dəyərlər ilə sıx bağlıdır. Biz haqlı olaraq xalqlarımızın zəngin tarixi-mədəni irsi və bəşər sivilizasiyasına verdiyi böyük töhfələri ilə qürur duyuruq. Azərbaycanın həm Türkiyə, həm də Türkmənistanla siyasi əlaqələri yüksək səviyyədədir. Türkiyə ilə keçən il imzalanan Şuşa Bəyannaməsi münasibətlərimizi strateji müttəfiqlik səviyyəsinə çatdırmışdır. 2017-ci ildə Azərbaycan ilə Türkmənistan arasında strateji tərəfdaşlıq haqqında Bəyannamə imzalanmışdır. Ölkələrimiz beynəlxalq təşkilatlar, o cümlədən BMT, İslam Əməkdaşlıq Təşkilatı, Türk Dövlətləri Təşkilatı, ATƏT və digər təsisatlar çərçivəsində bir-birinə qarşılıqlı dəstək göstərir və əməkdaşlıq edir. Tarixi bağlar üzərində qurulmuş münasibətlərimiz ölkələrimiz arasında iqtisadiyyat, ticarət, nəqliyyat-logistika və digər sahələrdə əməkdaşlığın inkişafı üçün imkanlar yaradır.
Əvvəlcə Zirvə Görüşünün Birgə Bəyanatı qəbul edilib. Son dövrlər Azərbaycan, Türkiyə və Türkmənistan bütün sahələrdə, o cümlədən elm, təhsil, enerji, nəqliyyat-logistika sahəsində böyük uğurlara imza atmışdır.
“Ticari-iqtisadi əməkdaşlıq haqqında hökumətlərarası Saziş”, “2023-2025-ci illər üzrə elm, təhsil və mədəniyyət sahələrində əməkdaşlığa dair hökumətlərarası Çərçivə Proqramı”, “Gömrük əməkdaşlığına dair Birgə məşvərət komissiyasının yaradılması haqqında qarşılıqlı anlaşmaya dair Hökumətlərarası Memorandumu”, “Energetika sahəsində əməkdaşlığın inkişaf etdirilməsi ilə bağlı qarşılıqlı anlaşmaya dair Qurumlararası Memorandum”, “Nəqliyyat sahəsində əməkdaşlığın inkişaf etdirilməsi ilə bağlı qarşılıqlı anlaşmaya dair Qurumlararası Memorandum” kimi üçtərəfli əməkdaşlığı möhkəmləndirən vacib sənədlər imzalanmışdır.
Azərbaycan Şərq-Qərb və Şimal-Cənub nəqliyyat dəhlizlərinin fəal iştirakçısı olmaqla önəmli tranzit ölkəsinə çevrilmişdir.
2022-ci ilin ilk 10 ayında Azərbaycan ərazisindən keçən ümumi tranzit daşımalarının həcmi ötən ilin müvafiq dövrü ilə müqayisədə 80 faizdən çox artmışdır. Hazırda Zəngəzur dəhlizinin açılması ilə fəal məşğuluq. Zəngəzur dəhlizinin Azərbaycan ərazisindən keçən hissəsində aparılan işlərin dəmir yolu xətti üzrə 40 faizi, avtomobil yolu üzrə 70 faizi icra olunub. Bütün işlər 2024-cü ildə tamamlanacaq və nəticədə yeni nəqliyyat dəhlizi yaranacaq.
Ümumilikdə, türk dövlətləri arasında son dövrlər baş tutan qarşılıqlı görüşlər bunu deməyə əsas verir ki, türk dünyası müxtəlif sahələrdə genişlənən və daha da dərinləşən əməkdaşlıq münasibətləri ilə indiyədək əldə olunan dinamikanı bundan sonra da artıracaq və yeni əməkdaşlıq istiqamətləri müəyyənləşdirəcəklər.

Həbib Misirov
YAP Kəlbəcər rayon təşkilatının sədri

Paylaş:

Baxılıb: 461 dəfə