Yeni Azərbaycan Partiyası Gədəbəy rayon təşkilatının təsis edilməsinin 30 illiyinə həsr olunmuş tədbir keçirilib

Bakı:

30 °C

48 %

1 m/s

AZ RU EN

Ana səhifə / YAP xəbərləri / Yeni Azərbaycan Partiyası Gədəbəy rayon təşkilatının təsis edilməsinin 30 illiyinə həsr olunmuş tədbir keçirilib

Yeni Azərbaycan Partiyası Gədəbəy rayon təşkilatının təsis edilməsinin 30 illiyinə həsr olunmuş tədbir keçirilib

19.01.2023 [11:47]

18 yanvar 2023-cü ildə Gədəbəy rayon Aşıq məktəbində Yeni Azərbaycan Partiyası Gədəbəy rayon təşkilatının təsis edilməsinin 30 illiyi qeyd edilmişdir. Tədbirə başlamazdan əvvəl Ulu Öndər Heydər Əliyevin rayon mərkəzindəki abidəsi ziyarət olundu.

Yeni Azərbaycan Partiyası Gədəbəy rayon təşkilatının təsis edilməsinin 30 illik yubiley tədbiri Azərbaycan Respublikasının Dövlət Himni ilə açıq elan edilib. Daha sonra Ulu Öndər Heydər Əliyevin, torpaqlarımızın azadlığı uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edildi.

Sonra Yeni Azərbaycan Partiyasının 30 illik fəaliyyətini əks etdirən videoçarx nümayiş olundu.

Tədbirdə çıxış edən Gədəbəy rayon İcra Hakimiyyətinin Başçısının 1-ci müavini Natiq Nağıyev qeyd etdi ki, Ulu Öndər Heydər Əliyevin ideyaları yaşayır. Azərbaycan Prezidenti, Ali Baş Komandan, Yeni Azərbaycan Partiyasının Sədri Cənab İlham Əliyev tərəfindən bu ölməz amallar sədaqətlə, cəsarətlə daha müvəffəqiyyətlə həyata keçirilir. Azərbaycanın ən güclü və mütəşəkkil siyasi qüvvəsi olan Yeni Azərbaycan Partiyasının möhtəşəmliyinin bariz təzahürü onun milli maraqların ifadəçisi olmasıdır.

Çıxış edənlər Ərazi partiya təşkilatının sədri Namiq Rüstəmov,Gədəbəy rayon Ağsaqqallar Şurasının sədri Kərəm Məmmədov, YAP Gədəbəy rayon təşkilatının fəal gənci Şahzadə Qəhrəmanlı çıxış edərək bildiriblər ki, Yeni Azərbaycan Partiyası yarandığı gündən siyasi səhnədə dövlətçilik mövqeyindən çıxış edərək xalqın mənafeyini hər şeydən üstün tutduğunu bəyan edib və qısa zaman kəsiyində ümumxalq rəğbətini qazanıb. Əsası ulu öndər Heydər Əliyev tərəfindən qoyulan Yeni Azərbaycan Partiyası bu gün Prezident İlham Əliyevin rəhbərliyi ilə yeni-yeni nailiyyətlərə imza atmaqdadır.

Tədbirdə YAP Gədəbəy rayon təşkilatının sədri Rüstəm Nağıyev çıxış edərək tədbir iştirakçılarını yubley münasibətilə təbrik etdi, rayon təşkilatının 30 il ərzində keçdiyi yola nəzər salıb. Bildirib ki, Yeni Azərbaycan Partiyasının yaranması tarixi zərurət, o dövrdə cərəyan edən hadisələrin yekunu və mövcud olan ictimai-siyasi şəraitin məntiqi nəticəsi idi. Vurğuladı ki, ulu öndər Heydər Əliyevin 1993-cü ildə xalqın təkidli tələbi ilə hakimiyyətə qayıdışı Yeni Azərbaycan Partiyasının həyatında da yeni mərhələnin əsasını qoydu. Yeni Azərbaycan Partiyasının yaranmasının tarixi zərurət, eyni zamanda gənc dövlətimizin gələcək taleyi üçün dönüş nöqtəsi olduğunu söylədi.Ümummilli lider Heydər Əliyevin zəngin irsi əsasında və Prezident, partiyamızın Sədri cənab İlham Əliyevin rəhbərliyi altında dövlətimizin qüdrəti, beynəlxalq nüfuzu daha da artacaq.

Tədirdə Yeni Azərbaycan Partiyası Gədəbəy rayon təşkilatının təsis edilməsinin 30-illiyi ilə əlaqədar rayon təşkilatının ictimai-siyasi həyatında fəal iştiraklarına görə bir qrup partiya veteranı və fəallar Fəxri Fərmanla təltif olundular.

Sonra tədbir yerli musiqiçilərin ifalarında konsert proqramı ilə davam etdirlidi.

Paylaş:

Baxılıb: 707 dəfə