Müstəqil Azərbaycanın tarixində qəbul edilmiş ən böyük əfv aktı

Bakı:

22 °C

57 %

1 m/s

Əlaqə

AZ RU EN

Ana səhifə / YAP xəbərləri / Müstəqil Azərbaycanın tarixində qəbul edilmiş ən böyük əfv aktı

Müstəqil Azərbaycanın tarixində qəbul edilmiş ən böyük əfv aktı

08.05.2023 [14:18]

“Məlum olduğu kimi, Prezident İlham Əliyev "Məhkum edilmiş bir sıra şəxslərin Azərbaycan xalqının Ümummilli Lideri Heydər Əliyevin 100 illik yubileyi münasibətilə əfv olunması haqqında" Sərəncam imzalayıb. Sərəncama əsasən 801 məhkum əfv olunub, onlardan 463 şəxs azadlıqdan məhrum etmə cəzasından, 220 şəxs azadlıqdan məhrum etmə cəzasının çəkilməmiş hissəsinin yarısından, 118 nəfər azadlıqdan məhrum etmə ilə bağlı olmayan digər cəzalardan (azadlığın məhdudlaşdırılması, islah işləri, cərimə cəzaları və cəzaya şərti məhkum edilmiş şəxslər) azad edilib. Sirr deyil ki, bu Sərəncam şamil edildiyi şəxslərin dairəsinə görə müstəqil Azərbaycan Respublikasının tarixində qəbul edilmiş ən böyük əfv aktıdır”. Bunu Yeni Azərbaycan Partiyası Nizami rayon təşkilatının sədri Ramil Vəlibəyov deyib.

Ramil Vəlibəyov bildirib ki, ümummilli lider Heydər Əliyevin həyata keçirdiyi dövlət siyasətinin mahiyyətini özündə əks etdirən humanistliyin nəticəsində əfv və amnistiya təsisatları yaradılıb, 1995-2003-cü illərdə 7 amnistiya aktı qəbul edilib və 32 əfv Sərəncamı imzalanıb: “Bu amnistiya aktları 77 mindən çox insana şamil edilib. Ulu Öndər tərəfindən imzalanan əfv sərəncamları ilə 3 mindən artıq şəxs bağışlanaraq cəzalarından azad edilib. Ümummilli Lider, həmçinin, böyük humanistlik nümayiş etdirərək imzaladığı əfv fərmanları ilə 1994-1995-ci illərdə dövlət çevrilişi cəhdlərində iştirak edən insanların da bir qismini bağışlayıb. Məhz ulu öndər Heydər Əliyevin humanizminin nəticəsi olaraq ölkəmizdə ölüm hökmü aradan qaldırılıb və Azərbaycanın adı Şərqdə ilk olaraq bu cəzanı ləğv edən ölkə kimi tarixə düşüb. Həmçinin, Onun siyasi varisi Prezident İlham Əliyevin idarəçiliyi dövründə də Azərbaycan xalqı eyni siyasətin yürüdüldüyünün şahididir”.

“Məhz 2023-cü ilin 8 may tarixində imzalanmış Sərəncam da müasir Azərbaycan dövlətinin qurucusu, dahi siyasi və dövlət xadimi, Azərbaycan xalqının ümummilli lideri Heydər Əliyevin əbədiyaşar əziz xatirəsinə dərin hörmət və ehtiramın ifadəsidir” – deyən Ramil Vəlibəyov əlavə edib ki, Azərbaycanda demokratik hüquqi dövlət quruculuğu istiqamətində fundamental islahatların həyata keçirilməsində ulu öndər Heydər Əliyevin misilsiz xidmətləri var: “Ümummilli Lider hər zaman insan hüquq və azadlıqlarının qorunmasına xüsusi önəm verib, humanizm, mərhəmət və insanpərvərlik ənənələrini qoyurub, möhkəmləndirib, müxtəlif fərman və sərəncamlarla əfv edilərək cəzadan azad olunmuş şəxslərin müstəqil dövlətimizin rifahına və cəmiyyətin inkişafına öz töhfəsini verəcəklərinə inanıb. Bu baxımdandır ki, Ulu Öndər bəşəri amallara, qanunçuluq və ədalət ideallarına söykənən zəngin mənəvi irsi formalaşdırıb. Heç təsadüfi də deyil ki, bu gün sözügedən irsə sadiq qalan Prezident İlham Əliyev bir daha humanizm prinsiplərini əsas tutaraq müstəqil Azərbaycanın ən böyük əfv sərəncamını imzalayıb”.

Paylaş:

Baxılıb: 628 dəfə