“Heydər Əliyev – Müasir Azərbaycanın xilaskarı” adlı tədbir keçirib

Bakı:

18 °C

88 %

4 m/s

Əlaqə

AZ RU EN

Ana səhifə / YAP xəbərləri / “Heydər Əliyev – Müasir Azərbaycanın xilaskarı” adlı tədbir keçirib

“Heydər Əliyev – Müasir Azərbaycanın xilaskarı” adlı tədbir keçirib

10.05.2023 [15:14]

Yeni Azərbaycan Partiyası İmişli rayon təşkilatı və “Orion-E” MMC-nin birgə təşkilatçılığı ilə Ümumilli Lider Heydər Əliyevin anadan olmasının 100 illiyinə həsr olunmuş “Heydər Əliyev – Müasir Azərbaycanın xilaskarı” adlı tədbir keçirilib. Tədbirdə YAP İmişli rayon təşkilatının sədri Səfa Ağayev və əməkdaşlar, “Orion-E” MMC-nin təsisçisi Şükür Astanov və şirkətin əməkdaşları, “Orion-E” ərazi partiya təşkilatının sədri Elşad Astanov, “Yarat” Təhsil və Karyera Mərkəzinin direktoru Ziya Rzayev və şəhid valideynləri iştirak ediblər.

İlk öncə Ulu Öndər Heydər Əliyevin və Vətən müharibəsində şəhid olan qəhrəmanlarımızın xatirəsi bir dəqiqəlik sükutla yad edilib, Ümummilli liderimiz Heydər Əliyevin həyat və fəaliyyətindən bəhs edən “Xalqa bağışlanan ömür” adlı videoçarx nümayiş olunub.

Tədbiri giriş sözü ilə açan YAP İmişli rayon təşkilatının sədri Səfa Ağayev bildirib ki, Azərbaycanın dövlət müstəqilliyini əldə etdikdən sonra nail olduğu bütün uğurlar ulu öndər Heydər Əliyevin adı ilə bağlıdır. 1993-cü ildə xalqın təkidli tələbi ilə hakimiyyətə qayıdan Ulu Öndər zəngin dövlətçilik təcrübəsindən yararlanaraq uçuruma yuvarlanan, böhranlar içində çabalayan, gələcəyini heç kimin aydın təsəvvür etmədiyi bir ölkəni xilas etdi. Öz sinəsini sipər edərək Azərbaycanın dünya birliyinin müstəqil bir subyekti olmaq hüququnu özünə qaytardı. Bu gün Ümummilli Liderimizin görmək istədiyi Azərbaycan bu günün reallığına çevrilib və Heydər Əliyev yolu ilə inamla daha yüksək inkişafa doğru addımlayır. Bütün mənalı həyatını öz xalqına bəxş etmiş ulu öndər Heydər Əliyevin siyasi və dövlət xadimi kimi zəngin fəaliyyəti Azərbaycan xalqının tarixində dərin iz buraxaraq, əsl dövlət idarəçiliyi məktəbinə çevrilib.

Çıxış edən “Orion-E” ərazi partiya təşkilatının sədri Elşad Astanov qeyd edib ki, Ulu öndər Heydər Əliyev hakimiyyətə gəldikdən sonra ölkədə yerli sahibkarlıq fəaliyyəti ilbəil genişləndi, möhkəmləndi və dövlət büdcəsinin əsas gəlir mənbələrindən birinə çevrildi. Başlıca məqsəd bu mühüm sahənin inkişafını genişləndirməklə ölkənin sosial-iqtisadi inkişafında əhəmiyyətini artırmaqdan ibarət oldu. Bu məqsədə nail olmaq üçün ulu öndər Heydər Əliyev təkcə 2002-ci ilin avqust-sentyabr aylarında altı mühüm fərman imzaladı. Bu tarixi fərmanların qəbul edilməsi, mahiyyət etibarı ilə, ilk növbədə ölkəmizin sosial-iqtisadi durumunun keyfiyyətcə yeni inkişaf mərhələsinə qalxmasında böyük potensiala malik milli sahibkarlığın qarşısında konkret vəzifələr qoyaraq onun həlledici rolunu daha da gücləndirdi.

Digər çıxış edənlər Azərbaycan xalqının hələ neçə-neçə nəsli bu böyük məktəbdən, ümummilli lider Heydər Əliyevin zəngin siyasi irsindən ölkəmizin inkişafı, xalqımızın rifahı naminə faydalanacağını vurğulayıblar.

Tədbirdə çıxış edən şəhid ailələri onlara göstərilən diqqət və qayğıya görə ölkə başçsı cənab İlham Əliyevə və Birinci vitse-prezident, çox hörmətli Mehriban xanım Əliyevaya minnətdarlıqlarını ifadə ediblər.

Sonda “Orion-E” MMC-nin dəstəyi ilə şəhid, qazi və imkansız ailələrə, ümumilikdə 1000 ailəyə bayram sovqatı paylanıb.

Paylaş:

Baxılıb: 536 dəfə