Rəsmi İrəvan yenə fiaskoya uğradı

Bakı:

24 °C

46 %

1 m/s

Əlaqə

AZ RU EN

Ana səhifə / YAP xəbərləri / Rəsmi İrəvan yenə fiaskoya uğradı

Rəsmi İrəvan yenə fiaskoya uğradı

21.08.2023 [17:51]

Birləşmiş Millətlər Təşkilatının Təhlükəsizlik Şurasının 16 avqust 2023-cü il tarixində növbədənkənar iclasında Ermənistan və erməni lobbisi rüsvayçı şəkildə növbəti dəfə məbluğ oldu və separatçıların və Ermənistan hökümətinin növbəti avantürası fiasko ilə nəticələndi. Hazırda erməni icmasının separatçı rəhbərinin qondarma vəzifəsini və bütövlükdə Xankəndini tərk edəcəyi xəbəri geniş yayılıb. Artıq erməni lobbisi məğlubiyyətləri üçün “günah keçilərini” müəyyən ediblər. Bu isə yenə Paşinyan hökümətidir.

Belə ki, Ermənistanın keçmiş xarici işlər naziri Vardan Oskanyan Laçın yolu üzərində Azərbaycanın legitim hüququnun bir daha BMT səviyyəsində qəbul edildiyini və Ermənistan hökümətinin bunu erməni xalqına göstərməyə çalışdığını qeyd edir. Bu da onu göstərir ki, rəsmi İrəvan bu prosesinin nəticəsini bilə-bilə bu riskə getdi. Lakin, Azərbaycan Respublikası Prezidenti İlham Əliyevin uzaqgörən xarici siyasəti bu fiaskonu şərtləndirdi. Təbii ki, bu diplomatik uğur Azərbaycan üçün gözlənilən idi. Prezident çıxışlarının birində böyük əminliklə qeyd edib ki, bizim siyasi iradəmizə heç bir qüvvə təsir edə bilməz: “Bizi tutduğumuz yoldan heç kim döndərə bilməz. Azərbaycanın müasir tarixi mənim dediklərimi dəfələrlə sübut edib. Kim ki, bizə qarşı çirkin niyyətlərlə hərəkət edib, özü bu hərəkətlərin qurbanı olub. Əvvəllər də belə olub, bu gün də belədir, bundan sonra da belə olacaq”. Hələ bir ay əvvəl rəsmi İrəvan Paşinyanın Azərbaycanı Rusiyaya şikayəti zamanı Vladimir Putinin ona şillə kimi cavabından heç bir nəticə çıxarmadı. Deməli, 2020-ci il üçtərəfli Bəyanatına istinad edən Paşinyana Putin “dəhliz”, “yol”, terminologiyasına fikir verilməməsi, ərazi bütövlüyünün qarşılıqlı tanınmasına önəm verilməli olduğunu vurğuladı. Prezident İlham Əliyev də öz növbəsində, “Şərq-Qərb, Şimal-Cənub dəhlizləri” terminologiyasından geniş istifadə etdiyi qeyd edərək, Ermənistan baş nazirinin üçtərəfli Bəyanatın terminologiyasına əsassız istinadların Azərbaycanın mövqeyini dəyişməyəcəyinin bir daha təsdiq etdi. Bundan nəticə çıxarmayan rəsmi İrəvan, yenidən “siyasi hayasızlığa” əl atdı.

Bunun bir fayda verməyəcəyini anlayan Nikol Paşinyan indi isə Azərbaycanın təklif etdiyi Ağdam-Xankəndi yoluna yönələrək yenə Rusiya sülhməramlılarından (RSK) mədət umur və Ermənistana yenə də üçüncü tərəflərin kömək göstərə biləcəklərini düşünür.

Bu isə rəsmi İrəvan üçün şərtlərin daha da ağırlaşdığını göstərir. Azərbaycanın növbəti diplomatik uğuru rəsmi İrəvan üçün sülh şərtlərini daha ağırlaşdırdı.

Abbas Pənahov

YAP Nəsimi rayon təşkilatının sədr müavini

Paylaş:

Baxılıb: 600 dəfə