Kəlbəcər yenidən qurulur

Bakı:

17 °C

82 %

4 m/s

Əlaqə

AZ RU EN

Ana səhifə / YAP xəbərləri / Kəlbəcər yenidən qurulur

Kəlbəcər yenidən qurulur

24.11.2023 [10:22]

8 avqust 1930-cu ildə rayon statusu almış Kəlbəcər rayonu Azərbaycan Respublikasında inzibati-ərazi vahididir.

1993-cü ilin aprel ayının 3-də Kəlbəcər rayonu Ermənistan Silahlı Qüvvələri tərəfindən işğal edilib. 27 il işğal altında olan rayon 10 noyabr 2020-ci il tarixdə imzalanmış üçtərəfli Bəyanata əsasən həmən ilin 15 noyabr tarixində təhvil verilməsi qərarlaşdırılsa da Ermənistan tərəfinin Rusiya vasitəsilə Azərbaycandan xahişi ilə bu müddət 25 noyabr tarixinə qədər uzadılmışdır. Buna səbəb olaraq isə ərazi relyefinin mürəkkəb olması, ərazinin böyüklüyü və humanizm göstərilmişdir.

Beləliklə, Kəlbəcər rayonu 25 noyabr 2020-ci ildə işğaldan azad edilmiş, Azərbaycan Respublikasının Silahlı Qüvvələri rayona daxil olmuş və nəzarəti ələ almışdır. Ağdam rayonu kimi, Kəlbəcərin də itkisiz, bir güllə atmadan işgaldan azad edilməsi, ölkəmizin gücünün, qüdrətinin göstəricisi, diplomatiq qələbəmizin təzahürüdür.

Prezident cənab İlham Əliyev 2021-ci il avqustun 16-da Kəlbəcərə ilk səfərini etmiş, səfər zamanı Kəlbəcərdə Azərbaycanın Dövlət Bayrağı qaldırmış, Toğanalı-Kəlbəcər avtomobil yolu üzərində Murov dağında inşa olunacaq 11.6 kilometrlik tunelin, Kəlbəcər-Laçın avtomobil yolu üzərində tikiləcək 3,4 km uzunluğunda tunelin təməlini qoymuş, 10/35/10 kv-lıq “Kəlbəcər” yarımstansiyasının açılışında iştirak etmiş, yeni tikilən 51 kilometr uzunluğunda İstisu-Minkənd avtomobil yoluna baxış keçirmişdir.

Daha sonra, 2022-ci il iyunun 25-də Kəlbəcər şəhərinin Baş planı ilə tanışlıq olmuş, İşğal və Zəfər muzeyləri kompleksinin, Kəlbəcər Rəqəmsal İdarəetmə Mərkəzinin, “İstisu” mineral su zavodunun təməlqoyma mərasimləri keçirilmişdir. 2023-cü il mayın 27-də Yanşaq kəndinin, Zallar kəndinin ilk yaşayış məhəlləsinin, 960 şagird yerlik məktəb binasının təməlqoyma mərasimləri keçirilmiş. “Qamışlı” Kiçik Su Elektrik Stansiyasının, “Meydan” Kiçik Su Elektrik Stansiyasınını açılışı olmuşdur. Ölkə başçısı ümumilikdə 5 dəfə Kəlbəcərdə səfərdə olmuş və çoxsaylı təməlqoyma mərasimlərində iştirak etmişdir.

2020-ci il noyabrın 26-da Prezident cənab İlham Əliyevin imzaladığı Sərəncam ilə “Kəlbəcərin azad olunmasına görə” medalı təsis edilmişdir.Sözü gedən medulla Kəlbəcər rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin 9455 hərbi qulluqçusu təltif olunmuşdur.

Dövlətimizin başçısı 31 iyul 2023-cü il tarixində möhtəşəm Zəfər günlərimizi əbədiləşdirmək məqsədilə Sərəncam imzalamışdır. Sərəncama əsasən 25 noyabr Kəlbəcər şəhəri günü kimi müəyyən olunmuşdur.

Bu gün işğaldan azad edilmiş digər ərazilərdə olduğu kimi Kəlbəcər rayonunda da bərpa-quruculuq işləri sürətlə aparılır. Prezident cənab İlham Əliyevin işğaldan azad edilmiş ərazilərə tez tez səfər etməsi, görülən işlərlə tanış olub, tapşırıq və tövsiyyələrini verməsi bir daha nümayiş etdirir ki, görülən işlər ölkə başçısının xüsusi nəzarətindədir.

İşğaldan azad edilmiş Kəlbəcər rayonunda həyata keçirilən genişmiqyaslı bərpa-qruruculuq işləri deməyə əsas verir ki, Kəlbəcər rayonu qısa zamanda nəinki Azərbaycanda, bütün dünyada ən gözəl şəhərlərdən birinə çevriləcək.

Sahib Şükürov

YAP Göyçay rayon təşkilatının sədri

Paylaş:

Baxılıb: 491 dəfə