Rusiyanın Ryazan vilayətində neft emalı zavoduna dron hücumu nəticəsində yanğın baş verib.

AZƏRTAC xəbər verir ki, bu barədə vilayətinin qubernatoru Pavel Malkov məlumat verib.

“Ryazandakı digər bir müəssisədə anbar və nəqliyyat vasitələri zədələnib. İlkin məlumata görə, itki yoxdur”, - deyə qubernator qeyd edib.

Dron hücumları səbəbindən Ryazandakı 14 məktəbdə dərslər ləğv edilib və 25 uşaq bağçası bağlanıb. Uşaqlarına baxacaq heç kim olmayan valideynlər üçün təcili yardım qrupları təşkil edilib.