“Biz türk iş adamları olaraq, nəinki Türkiyə - Ermənistan sərhədlərinin açılmasını, hətta bu istiqamətdə aparılan ən kiçik danışıqları belə Türk dünyasına xəyanət hesab edirik”. Bu fikirləri SİA-ya açıqlamasında Azərbaycan Türkiyə Sənayeçi və İş adamları Beynəlxalq Cəmiyyətinin (TüSİAB) baş katibi Yasin Göral səsləndirib. Onun sözlərinə əsasən, TüSİAB sərhədlərin açılmasına qarşıdır və bununla bağlı öz etirazlarını Türkiyə hakimiyyətinə çatdırıb.
“Əgər belə bir addım atılarsa, biz vətənini sevən bir Azərbaycan vətəndaşı kimi, “Bir millət, iki dövlət” prinsipini əsas tutaraq sərhədlərin açılmasını şiddətlə qınayacağıq”, - deyə Y.Göral vurğulayıb.
Qeyd edək ki, son günlər kütləvi informasiya vasitələrində Türkiyə - Ermənistan sərhədlərinin açılacağı barədə yayılan xəbərlərə münasibət bildirən TüSİAB bununla bağlı etiraz bəyanatı yayıb.