Yeni Azərbaycan Partiyası Sədrinin müavini - İcra katibi Əli Əhmədov Avropanın ən böyük siyasi partiyalarından olan Avropa Xalq Partiyasının (AXP) Konqresində iştirak etmək üçün Polşada səfərdədir. Konqres aprelin 28-dən 30-dək Polşanın paytaxtı Varşavada keçiriləcək. Konqresdə qitənin, eləcə də dünyanın bir sıra ölkələrinin hökümət və dövlət başçıları iştirak edəcəklər. Varşavada olduğu müddətdə Əli Əhmədovun Avropa Xalq Partiyasının baş katibi və Avropa Parlamentinin üzvü Antoni Lopez-İsturiz, AXP-nın xarici əlaqələr üzrə katibi Kostas Sasmatzoğlu, ATƏT Parlament Assambleyasında AXP qrupunun rəhbəri Valburqa Habsung Duglas, AXP-nin regionlarla iş şöbəsinin sədri İsidoro Gottardo və digər siyasətçilərlə görüşləri nəzərdə tutulur.