Heydər Əliyev yeni azerbaycan logo

Ana səhifə / Xəbər lenti / Şuşa Realnı məktəbi yeni dövrdə

Şuşa Realnı məktəbi yeni dövrdə

12.05.2022 [10:21]

XIX əsrin nümunəvi maarif ocağı bərpa olunur

G.QABİLQIZI

Ulu Öndərin doğum günündə Prezident İlham Əliyev və birinci xanım Mehriban Əliyeva Şuşaya səfər ediblər. Dövlət başçısı və birinci xanım burada bir sıra tarixi əhəmiyyətli abidələrin, binaların təmir-bərpa işləri ilə tanış olublar. Həmin binalardan biri də xalqımızın maariflənməsində, təhsilində böyük rolu olan Şuşa Realnı Məktəbidir.

1992-ci ildə Şuşa şəhəri işğal olunduqdan sonra Şuşa Realnı Məktəbi yandırılaraq xarabazara çevrilmişdi. Vətən müharibəsində qələbəmizdən sonra Şuşa Realnı Məktəbinin təmir olunması həm tariximiz, həm də xalqımız üçün olduqca əhəmiyyətlidir. Bu məktəb xalqın maariflənməsi, elmə yiyələnməsi işində müstəsna xidmətlər göstərib. 1881-ci il sentyabrın 20-də fəaliyyətə başlayan Realnı Məktəbin 6 sinfi olub. Hazırlıq və üç əsas sinifdən ibarət bu məktəbə ilk dəfə 159 şagird qəbul edilib.

Şuşa məktəbi dövrünün nümunəvi maarif ocağı sayılırdı. Mütəxəssislər Şuşadakı tədrislə maraqlananda aydın olmuşdu ki, məktəbdə üzrlü və üzrsüz dərs buraxanların ümumi faizi 7,64-dür. Ümumiyyətlə, bu faiz xalqın elmə, maarifə həvəsinin əvvəlki illərə nisbətən artdığını göstərirdi. 1890-cı ildə Tiflis məktəblərində alman dili məcburi dil kimi öyrədilirdisə, Şuşa məktəbində bu, könüllülük prinsipi ilə aparılırdı. Yeni açılan bu məktəblərdə ədəbiyyatın tədrisinə xüsusi diqqət yetirilirdi. Ona görə ki, ədəbiyyat əsas tərbiyə vasitəsi kimi yetişdirmək qüdrətinə malik idi.

Realnı Məktəbin Mirzə Salah bəy Zöhrabbəyov,Yusif bəy Məlikhaqnəzərov, Haşım bəy Vəzirov kimi tanınmış müəllimləri, İsmayıl bəy Şəfibəyov, Əbdürrəhim bəy Haqverdiyev, Yusif Vəzir Çəmənzəminli, Cabbar bəy Vəlibəyov, Qara bəy Əliverdilər, Ələkbər bəy Əliyev, Feyzulla Əliquluzadə, Xudadat bəy Əzizbəyov, Xudadat bəy Məlik-Aslanov, Cavad bəy Məlik-Yeqanov, Əbdüləli Orucov, Rüstəm bəy Axundov, Xan Şuşinski, Əbdüləli bəy Muxtarov, Həsən bəy Bağırbəyov, Muxtar bəy Muradov, Soltan bəy Vəlibəyov kimi şagirdləri olub. Şübhəsiz, Şuşa Realnı Məktəbi təmir-bərpa işlərindən sonra fəaliyyətə başlayacaq və xalqımız üçün ziyalı şəxsiyyətlər yetişdirməyə davam edəcək. Sevindiricidir ki, məktəb fəaliyyəti dövründə öz şagirdlərinə müstəqil Azərbaycan tarixini, mədəniyyətini, dövlətçilik irsini elə Azərbaycan dilində tədris edə biləcək.

Paylaş:
Baxılıb: 104 dəfə

Xəbər lenti

Hamısına bax

Xəbər lenti

Sosial

İqtisadiyyat

Prezident bu gün

Prezident bu gün

28 May 10:15

İqtisadiyyat

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31