Heydər Əliyev
yeni azerbaycan logo

Ana səhifə / Xəbər lenti / Rusiyada qadınlar niyə hərbi xidmətə çağırılır?

Rusiyada qadınlar niyə hərbi xidmətə çağırılır?

21.06.2022 [10:33]

N.BAYRAMLI

Rusiyada qadınlara müqavilə əsasında hərbi xidmətə getmək təklif olunur. Belə ki, bu barədə  müvafiq elan Severodvinsk administrasiyasının rəsmi saytında yerləşdirilib. Rusiya mediasında yayılan məlumatlarda bildirilir ki, yerli hərbi komissarlıqlar kişilərlə yanaşı, qadınları da hərbi xidmətə dəvət edirlər. Namizədlərə 18-40 arası olmaqla yaş tələbi qoyulub. Həmçinin orduda xidmət etmək arzusunda olan qadınlara daha yüksək maaş vəd edilib.

Rusiyada belə bir qərarın verilməsinə səbəb nədir? Məsələ ilə bağlı qəzetimizə açıqlama verən hərbi ekspert Emin Həsənli bildirib ki, dünyanın bir sıra ölkələrinin  ordularında qadınlar müqavilə əsasında xidmətə götürülür. Onun sözlərinə görə, ali hərbi təhsili olan peşəkar hərbçi qadınlar da var: “Məsələn, İsraildə qadınlar kişilərlə bərabər silahlı qüvvələrdə xidmət edir. Müsəlman ölkələrində isə orduda kişilər xidmət göstərir. Azərbaycanın  Silahlı Qüvvələrində də xanımlar mülki işlərdə çalışırlar. Bəzən müddətdən artıq xidmətdə olan qadınlar gizir rütbəsində müxtəlif vəzifələrdə, o cümlədən hərbi tibb personalında çalışırlar. Qadınların orduda xidmət etməsinin müsbət tərəfləri də var. Buna nümunə olaraq əsgər yeməklərinin qadınlar tərəfindən bişirilməsini göstərmək olar. Bizim ordumuzda bu işlərə xanımlar cəlb edilib. Rusiyaya gəlincə, qadınların hərbi xidmətə dəvət olunması bir çox mütəxəssislər tərəfindən Ukraynadakı müharibə ilə əsaslandırılır. Doğrudur, bu gün Rusiya Ukraynada böyük problemlər yaşayır, amma qadınları xidmətə çağırıb döyüşə göndərmək real deyil. Çünki hər kəsin hərbi təlim keçərək döyüşə hazırlaşması üçün xeyli zaman tələb olunur. Bu baxımdan, Rusiyanın ehtiyatda olan milyonlarla insan resursu var”.

Hərbi ekspert qeyd edib ki, Rusiya ehtiyatda olan resursunu istənilən vaxt səfərbərlik elan edərək orduya cəlb edə bilər: “Amma görünür, bu müharibə hansısa formada təsir edib ki, Rusiyada qadınların da  orduya cəlb olunmasına və onların  imkanlarından istifadə edilməsinə ehtiyac duyulur. Məsələn, qadınlardan snayperçi kimi istifadə oluna bilər. Həmişə belə bir fikir olub ki, qadınlar bu silahdan daha yaxşı istifadə edir. Yaxud da hərbi  qərargahlarda işləyə bilərlər. Keçmiş sovet ordusunda da qadınlar bu və ya digər formada xidmət ediblər. Yəqin, hazırda Rusiya həmin ənənədən daha geniş formada istifadə etmək istəyir”.

Paylaş:
Baxılıb: 90 dəfə
Multi-media

Xəbər lenti

Hamısına bax

Xəbər lenti

Ədəbiyyat

Xarici siyasət

Prezident bu gün

Prezident bu gün

07 İyul 10:44

İqtisadiyyat

İqtisadiyyat

İqtisadiyyat

Xəbər lenti

Xəbər lenti

Sosial

Sosial

Xarici siyasət

Sosial

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31