Qarşıdakı dövr üçün strateji istiqamətlərin müəyyənləşdirməsi

Bakı:

6 °C

87 %

7 m/s

Əlaqə

AZ RU EN

Ana səhifə / Arxiv / Qarşıdakı dövr üçün strateji istiqamətlərin müəyyənləşdirməsi

Qarşıdakı dövr üçün strateji istiqamətlərin müəyyənləşdirməsi

09.01.2026 [14:25]

Azərbaycan Prezidenti İlham Əliyevin yerli televiziya kanallarına verdiyi müsahibə ölkənin daxili və xarici siyasətinə dair mühüm məqamları əhatə etməklə geniş ictimai maraq doğurub. Müsahibə dövlət başçısının mövcud vəziyyətə, görülən işlərə və qarşıdakı dövr üçün müəyyənləşdirilən strateji hədəflərə dair baxışını aydın şəkildə ortaya qoyub. Prezidentin fikirləri həm ölkə vətəndaşları, həm də siyasi-ictimai dairələr üçün əhəmiyyətli mesajlar kimi dəyərləndirilib. Müsahibənin əsas mövzularından biri sosial-iqtisadi inkişaf məsələləri olub. Prezident İlham Əliyev son illərdə ölkə iqtisadiyyatında aparılan islahatlardan, əldə olunan nəticələrdən və qarşıda duran vəzifələrdən danışıb.

O, iqtisadiyyatın şaxələndirilməsinin, qeyri-neft sektorunun gücləndirilməsinin və yerli istehsalın artırılmasının prioritet istiqamətlər olduğunu vurğulayıb. Dövlət başçısı qeyd edib ki, dayanıqlı iqtisadi inkişaf yalnız makroiqtisadi sabitliklə deyil, eyni zamanda vətəndaşların rifahının yüksəldilməsi ilə ölçülür. Prezident müsahibə zamanı sosial siyasətə də xüsusi diqqət ayırıb. Əhalinin sosial müdafiəsinin gücləndirilməsi, maaş və pensiyaların artırılması, həssas təbəqələrin dövlət qayğısı ilə əhatə olunması istiqamətində görülən tədbirlərdən bəhs edilib. İlham Əliyev vurğulayıb ki, sosial sahədə atılan addımlar dövlətin insan amilini əsas prioritet kimi qəbul etdiyini göstərir və bu siyasət gələcəkdə də davam etdiriləcək. İnfrastruktur layihələri müsahibənin mühüm hissəsini təşkil edib.
Prezident İlham Əliyev ölkənin müxtəlif bölgələrində həyata keçirilən yol, enerji, su təchizatı, qazlaşdırma və digər mühüm layihələrin regionların inkişafına verdiyi töhfəni qeyd edib. Xüsusilə ucqar kənd və qəsəbələrdə aparılan abadlıq və quruculuq işlərinin insanların gündəlik həyatında real müsbət dəyişikliklər yaratdığı diqqətə çatdırılıb. Dövlət başçısı bu layihələrin regionlar arasında balanslı inkişafı təmin etdiyini bildirib. Müsahibədə xarici siyasət məsələlərinə də geniş yer ayrılıb. Prezident İlham Əliyev Azərbaycanın beynəlxalq münasibətlər sistemində tutduğu mövqedən, regional əməkdaşlıq təşəbbüslərindən və strateji tərəfdaşlıqlardan danışıb. O, Azərbaycanın müstəqil və praqmatik xarici siyasət yürütməsinin ölkənin milli maraqlarına xidmət etdiyini vurğulayıb. Prezident qeyd edib ki, regional sabitlik və əməkdaşlıq Azərbaycanın xarici siyasətinin əsas məqsədlərindən biridir. Dövlət idarəçiliyi və islahatlar mövzusu da müsahibədə ön plana çıxıb. Prezident şəffaflığın artırılması, idarəetmədə səmərəliliyin yüksəldilməsi və müasir yanaşmaların tətbiqi istiqamətində aparılan islahatlardan danışıb. O, ölkənin qarşıdakı illərdə də sabitlik, inkişaf və sosial rifah yolunda inamla irəliləyəcəyinə əminliyini ifadə edib.

Məhəmməd Balaqadaşov,

YAP Xaçmaz rayon təşkilatının sədri

Paylaş:

Baxılıb: 56 dəfə