YAP Xəzər rayon təşkilatında Heydər Əliyevin 103 illiyinə həsr olunmuş voleybol yarışının qalibləri mükafatlandırılıb

Bakı:

22 °C

60 %

10 m/s

AZ RU EN

Ana səhifə / Arxiv / YAP Xəzər rayon təşkilatında Heydər Əliyevin 103 illiyinə həsr olunmuş voleybol yarışının qalibləri mükafatlandırılıb

YAP Xəzər rayon təşkilatında Heydər Əliyevin 103 illiyinə həsr olunmuş voleybol yarışının qalibləri mükafatlandırılıb

05.05.2026 [15:13]

Yeni Azərbaycan Partiyası (YAP) Xəzər rayon təşkilatında Ümummilli Lider Heydər Əliyevin anadan olmasının 103-cü ildönümünə həsr olunmuş voleybol yarışı yüksək təşkilatçılıq səviyyəsində keçirilib və yarışın qaliblərinin mükafatlandırılması mərasimi baş tutub.

Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Ümummilli Lider Heydər Əliyevin və Azərbaycanın ərazi bütövlüyü uğrunda canından keçmiş şəhidlərin əziz xatirəsi bir dəqiqəlik sükutla yad edilib və video çarx nümayiş olunub.

Giriş nitqi ilə çıxış edən YAP Xəzər rayon təşkilatının sədri Namiq Əhmədov qeyd edib ki, Ümummilli Lider Heydər Əliyevin zəngin dövlətçilik irsi Azərbaycan xalqının milli-mənəvi dəyərlərinin qorunması, gənclərin sağlam ruhda böyüməsi və cəmiyyətin inkişafı üçün möhkəm təməl yaradıb. O vurğulayıb ki, bu cür idman yarışlarının keçirilməsi gənclər arasında həmrəyliyin gücləndirilməsi, sağlam həyat tərzinin təşviqi və asudə vaxtın səmərəli təşkili baxımından xüsusi əhəmiyyət daşıyır. Müasir dövrdə Prezident İlham Əliyevin rəhbərliyi ilə ölkədə gənclər və idman siyasəti uğurla davam etdirilir, regionlarda idmanın inkişafı üçün geniş imkanlar yaradılır. O əlavə edib ki, YAP Xəzər rayon təşkilatı tərəfindən mütəmadi olaraq bu cür tədbirlərin təşkili gənclərin ictimai fəallığının artırılmasına xidmət edir.

Tədbirdə çıxış edən YAP İdarə Heyətinin üzvü Rauf Əliyev, Xəzər rayonu üzrə gənclər və idman sektorunun müdiri Gündüz Vəliyev Ümummilli Lider Heydər Əliyevin Azərbaycan gəncliyinə göstərdiyi diqqət və qayğının bu gün də uğurla davam etdirildiyini vurğulayıblar. Onlar qeyd ediblər ki, gənclərin idmana cəlb olunması onların sağlam və vətənpərvər ruhda formalaşmasına mühüm töhfə verir və bu kimi yarışlar həm də dostluq və birlik mühitini gücləndirir.

Çıxışlardan sonra partiya sıralarına yeni qoşulan üzvlərə vəsiqələr təqdim olunub.

Daha sonra voleybol yarışının nəticələri elan olunub, gərgin və maraqlı idman mübarizəsi şəraitində keçən yarışda fərqlənən komandalar, məşqçilər və hakimlər diplom və qiymətli hədiyyələrlə, məktəblərin direktorları isə fəxri fərman və qiymətli hədiyyələrlə təltif olunublar.

Tədbirdə iştirak edən gənclər və qonaqlar belə yarışların təşkilinə görə təşəkkürlərini bildirərək, bu kimi təşəbbüslərin davamlı xarakter almasının vacibliyini vurğulayıblar.

Tədbirin sonunda Yeni Azərbaycan Partiyasının Himni səsləndirilib.

Mərasim səmimi və yüksək əhval-ruhiyyə şəraitində başa çatıb sonda xatirə şəkli çəkilib.

Paylaş:

Baxılıb: 425 dəfə