Azərbaycanın dayanıqlı inkişaf baxışı dünyaya təqdim edildi

Bakı:

18 °C

68 %

6 m/s

Əlaqə

AZ RU EN

Ana səhifə / Arxiv / Azərbaycanın dayanıqlı inkişaf baxışı dünyaya təqdim edildi

Azərbaycanın dayanıqlı inkişaf baxışı dünyaya təqdim edildi

20.05.2026 [12:09]

Səyyad Mirzəyev

YAP Ağdam rayon təşkilatının əməkdaşı

Mayın 18-də Bakı şəhəri dünyanın ən nüfuzlu urbanizasiya platformalarından biri olan Ümumdünya Şəhərsalma Forumunun 13-cü Sessiyasına (WUF13) ev sahibliyi etdi. Tədbirin açılış mərasimində Azərbaycan Respublikasının Prezidenti cənab İlham Əliyev iştirak edərək geniş məzmunlu çıxışla Azərbaycanın şəhərsalma, dayanıqlı inkişaf, bərpa-quruculuq və beynəlxalq əməkdaşlıq sahəsində həyata keçirdiyi siyasəti dünya ictimaiyyətinin diqqətinə çatdırdı. Bu Forumun Bakıda keçirilməsi Azərbaycanın beynəlxalq nüfuzunun və qlobal təşəbbüslərdə artan rolunun daha bir göstəricisi kimi qiymətləndirilir. Dünyanın müxtəlif ölkələrindən dövlət və hökumət nümayəndələrinin, beynəlxalq təşkilat rəhbərlərinin və şəhərsalma üzrə ekspertlərin iştirak etdiyi tədbir urbanizasiya problemlərinin müzakirəsi üçün mühüm platformaya çevrildi. Ölkə Prezidenti cənab İlham Əliyev çıxışında vurğuladı ki, Azərbaycan son illərdə sürətli sosial-iqtisadi inkişaf yolu keçərək müasir şəhərsalma modelini formalaşdırmağa nail olub. Dövlət başçısı xüsusilə azad edilmiş Qarabağ və Şərqi Zəngəzur ərazilərində həyata keçirilən genişmiqyaslı quruculuq layihələrinin dünyanın ən müasir urbanizasiya nümunələrindən biri olduğunu diqqətə çatdırdı. Bu ərazilərdə “ağıllı şəhər” və “ağıllı kənd” konsepsiyalarının tətbiqi, yaşıl enerji zonalarının yaradılması və ekoloji tarazlığın qorunması dövlət siyasətinin əsas istiqamətləri kimi təqdim edildi. Prezident İlham Əliyev çıxışında qeyd etdi ki, Azərbaycanın şəhərsalma siyasəti yalnız infrastrukturun qurulması ilə məhdudlaşmır. İnsan amili, sosial rifah, təhlükəsizlik, ekoloji dayanıqlılıq və müasir texnologiyaların tətbiqi bu siyasətin əsas sütunlarını təşkil edir. Cənab Prezident bildirdi ki, şəhərlərin gələcək inkişafı insan həyatının keyfiyyətinin yüksəldilməsinə xidmət etməlidir. Forum çərçivəsində Azərbaycanın beynəlxalq əməkdaşlığa verdiyi önəm də xüsusi vurğulandı. Prezident İlham Əliyev BMT-nin Məskunlaşma Proqramı – UN-Habitat ilə əməkdaşlığın əhəmiyyətini qeyd edərək, qlobal çağırışların yalnız birgə səylərlə həll edilə biləcəyini bildirdi. Azərbaycan paytaxtının belə mötəbər tədbirə ev sahibliyi etməsi ölkənin beynəlxalq dialoq və əməkdaşlıq platformasına çevrildiyini bir daha nümayiş etdirdi. WUF13 çərçivəsində çıxış edən bir sıra xarici liderlər də Azərbaycanın inkişaf modelinə yüksək qiymət verdilər. Xüsusilə Özbəkistan Prezidenti Şavkat Mirziyoyev Prezident İlham Əliyevin rəhbərliyi ilə Azərbaycanın, xüsusilə Qarabağ bölgəsində sürətli və genişmiqyaslı inkişaf yolu keçdiyini vurğuladı. Bakıda keçirilən Ümumdünya Şəhərsalma Forumunun 13-cü Sessiyası Azərbaycanın müasir inkişaf strategiyasının beynəlxalq səviyyədə təqdimatı baxımından mühüm hadisə kimi tarixə düşdü. Ölkə Prezidenti cənab İlham Əliyevin forumdakı çıxışı ölkənin dayanıqlı inkişaf, innovativ şəhərsalma və regional liderlik siyasətinin əsas istiqamətlərini bir daha dünya ictimaiyyətinə nümayiş etdirdi.

Paylaş:

Baxılıb: 226 dəfə