Ermənistanda vətəndaş müharibəsi başlaya bilər

Bakı:

15 °C

82 %

8 m/s

Əlaqə

AZ RU EN

Ana səhifə / Dünya / Ermənistanda vətəndaş müharibəsi başlaya bilər

Ermənistanda vətəndaş müharibəsi başlaya bilər

22.04.2010 [09:43]

İşğalçı ölkədəki məmur-oliqarxlar qeyri-məhdud hakimiyyət əldə etmək üçün kriminal savaşlara start verdi
Ermənistandakı ağır iqtisadi durum, hakimiyyətsizlik və xaos artıq kriminal münaqişələrin açıq müstəviyə keçməsinə yol açıb. İşğalçı ölkədəki dözülməz yaşayış səviyyəsi insanları kriminal yollara baş vurmağa məcbur edib. Bu azmış kimi artıq hakimiyyətin ən yüksək təbəqələrində təmsil olunan məmurlar da bir-birləri ilə mübarizədə zor tətbiqinə üstünlük verirlər. Bunun nəticəsidir ki, bir neçə gün öncə Yerevandakı “Crazy Horse” striptiz klubunda iri kriminal “razborka” baş verib. Münasibətlərin ayırd edilməsi üçün baş verən toqquşmada əsasən, Abovyan və Yerevan sakinləri iştirak ediblər. Yayılan məlumatlarda deyilir ki, hesablaşan qruplaşmaların üzvlərinin yaxasında Ermənistanın keçmiş prezidenti Robert Koçaryanın yaratdığı “çiçəklənən Ermənistan” partiyasının nişanları olub.
Hadisə yerində olan şahidlərin erməni KİV-lərinə verdiyi məlumatlara görə, atışmadan sonra polis məsələyə müdaxilə edib və qruplaşmaların üzvləri tərk-silah olunub. Bəlli olub ki, adıçəkilən klub kriminal qrupların toplantı məkanı kimi ad çıxarıb. Münasibətlərin ayırd edilməsinə səbəb isə hansısa ərazi olub. Məlumatlara görə, atışan tərəflər keçmiş dövlət başçısı ilə hazırkı prezidentə yaxın qruplardır. Bu səbəbdən də, hadisə yerindən təfərrüatlı məlumat almaq erməni KİV-inə nəsib olmayıb.
Sonradan isə bəlli olub ki, münaqişədə iştirak edən tərəflər Robert Koçaryanın adamı sayılan Qaqik çarukyan və Yerevan meri, “Sarkisyanın bankiri” adı ilə tanınan Qaqik Beqlaryan olub. Bundan başqa, siyasi dairələrə yaxın qruplaşmaların savaşında kriminal ünsürlər də yer alıb. Qarşıdurmada “xaç atası” kimi tanınan Dmbuz Xendoya və mafioz “Eror masi Qonç” da iştirak ediblər. Sonuncu Ermənistan polisi rəisinin qətlə yetirilmiş müavini Gevork Mqeryanın qohumudur. Atışmada kriminal avtoritet Masivi Jironun da iştirak etdiyi deyilir. Məlumatlara görə, hesablaşma zamanı Rusiyadan olan kriminal avtoritetlər də klubda olublar.
Ermənistanda hakimiyyətin kriminal savaşlarda iştirakını tam təfərrüatı ilə ortaya qoyan bu hadisənin maraqlı cəhətlərindən biri də, atışma zamanı bir dövlət rəsmisinin də orada olmasıdır. Ermənistanın “çorrod İnknişxanutyun” qəzeti yazır ki, Ermənistanın kənd təsərrüfatı nazirinin müavini Vardan Karapetyan da hadisə yerində olub. Nazir müavini isə həmin yerdə olmasını guya bacısının evindən çıxması və insidentin baş verdiyi ərazidən təsadüfən keçməsi ilə izah etməyə çalışıb: “Hamı dayanıb baxırdı. Mən də baxmaq üçün dayandım. İşdən sonra bacımgilə getmişdim. Bu cinayətdir? Mən “razborka”da iştirak etməmişəm. Belə hadisələrə qarışmaq ayıbdır”.
Bəli, Ermənistanı ağuşuna alan problemlər şəbəkəsinin çənbəri daraldıqca hakimiyyətin üst qatlarını ələ keçirənlərin əsl simaları üzə çıxır. Dağlıq Qarabağın işğalı zamanı törətdikləri cinayətlərin məsuliyyətindən hələlik yayınan Ermənistan rəhbərliyi belə demək mümkündürsə, dalana dirəndiklərini anlayırlar. Son iki-üç ildə bu ölkə iqtisadi geriliyinə görə sıralamada birinci yerlərdə dayanır. ölkədə inflyasiyanın dərəcəsi ağlagəlməz səviyyəyə yüksəlib, ölkə əhalisinin demək olar ki, yarısından çoxu Ermənistanı tərk edib, yerdə qalanlar isə, sözün əsl mənasında qorxu altında yaşayır. Bir məqamı vurğulamaq lazımdır ki, istər keçmiş prezident R.Koçaryan, istər indiki dövlət başçısı S.Sarkisyan, istər müdafiə naziri Seyran Ohanyan, istərsə də digər nazirlər və böyük çaplı məmur-oliqarxlar Dağlıq Qarabağda gedən hərbi əməliyyatlardan sonra kriminal yolla hakimiyyəti qəsb ediblər. Bu baxımdan, onlar Ermənistanı elə kriminal üsulla idarə etməyə, insanları ən adi hüquqlardan məhrum etməyə üstünlük verirlər.
Son hadisələr bir daha göstərir ki, onlar üçün sadə insanların ölümü və ya Ermənistan dövlətinin imici heç bir əhəmiyyət kəsb etmir. Mənzərə isə budur ki, artıq bu cinayətkar birliyin də arasında gərginlik yaşanır. Bu gərginlik ilk olaraq, ən böyük erməni oliqarxı sayılan Tiqran Sarkisyanla Ermənistan prezidenti arasında başlamışdısa, bu gün artıq Koçaryan bu mübahəsələrin predmetinə çevrilib. Nəzərə alsaq ki, T.Sarkisyan, məhz Koçaryanın kadrı sayılır, hazırkı prezidentin qeyri-məhdud hakimiyyət arzusunun həyata keçirilməsi üçün kriminal hesablaşmalara başlandığını düşünmək olar. Bu isə, öz növbəsində, Ermənistanın yeni bir vətəndaş müharibəsi ilə qarşı-qarşıya dayandığını deməyə əsas verər. Belə demək mümkündürsə, Azərbaycanın ərazilərini işğal altında saxlamaqla iqtisadi ölümə məhkum olunan Ermənistan hakimiyyətinin sonu yaxınlaşıb. Erməni xalqının bu acı sondan xilas olması üçünsə, Ermənistan hakimiyyətinin öz işğalçı və yalan dolu siyasətindən əl çəkməsi və Ermənistan-Azərbaycan, Dağlıq Qarabağ münaqişəsinin ölkəmizin ərazi bütövlüyü və beynəlxalq hüquq normaları çərçivəsində həllinə razı olması gərəkir.
Pərviz SADAYOÄžLU

Paylaş:

Baxılıb: 1449 dəfə