Heydər Əliyev
yeni azerbaycan logo

Ana səhifə / Dünya / ABŞ Prezidenti Co Baydeni öldürmək istəyən şəxs həbs edilib

ABŞ Prezidenti Co Baydeni öldürmək istəyən şəxs həbs edilib

30.12.2021 [11:38]

ABŞ-da indiki və keçmiş vəzifəli şəxslərə sui-qəsd planlaşdıran  bir nəfər həbs olunub. yeniazerbaycan.com-un Rusiyanın “RİA Novosti” agentliyinə istinadən verdiyi xəbərə görə, ABŞ-ın Ayova ştatında ABŞ prezidenti Co Baydeni və ABŞ-ın keçmiş lideri Barak Obamanı, həmçinin “Facebook” (indiki “Meta”) şirkətinin qurucusu Mark Zükerberqi öldürmək niyyətində olan silahlı şəxs saxlanılıb.

Xəbər görə, Kaliforniyada supermarket işçisi olan 25 yaşlı Kuaçua Briyon Syun cümə axşamı həbs edilib və hazırda təcridxanadadır. Polislər həmin şəxsin avtomobilindən “AR-15” tüfəngi, döyüş sursatı, mərmilər, zirehli gödəkçələr və ilk tibbi yardım dəstləri aşkar ediblər.

Yerli hakimiyyət nümayəndələrinin məlumatına görə, K.B.Syun "hakimiyyətdə olan şəxsləri öldürmək üçün birbaşa Ağ Evə getmək niyyəti ilə" dekabrın 18-də evini tərk edib.

Həmin şəxs müstəntiqlərə deyib ki, öldürmək niyyətində olduğu şəxslərin siyahısını tərtib edib. Siyahıda indiki dövlət başçısı Co Bayden, sabiq prezident Barak Obama və “Facebook” şirkətinin qurucusu Mark Zükerberqdən başqa, ABŞ-ın baş infeksionisti Entoni Faucinin də adı var.

Telefonundakı xəritə proqramından istifadə edərək hədəf olaraq Ağ Evi seçən şəxs onu da əlavə edib ki, həbsdən azad olunarsa, dərhal Ağ Evə gedəcək və planı yerinə yetirmək üçün əlindən gələni edəcək.

NBC telekanalı isə xəbər verir ki, istintaq orqanları bu şəxsi ABŞ-ın keçmiş prezidentini hədələmək maddəsi ilə ittiham edir.

Paylaş
Baxılıb: 132 dəfə

Xəbər lenti

Hamısına bax

Xəbər lenti

Xəbər lenti

Sosial

Boşluq, ya bozluq?

18 Yanvar 10:50

Sosial

Gündəm

Reallıqlar dəyişmir

18 Yanvar 10:01

Gündəm

Hər şey vaxtında!

18 Yanvar 09:46

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31